MDB

Ana səhifə

MDB

Gürcüstanın xalq artisti Vaxtanq Kikabidze Rusiyanın “Dostluq” ordenindən imtina edib

13 avqust 2008 07:57 (UTC +04:00)

Tiflis – APA. Gürcüstanın xalq artisti Vaxtanq Kikabidze bu il iyulun 19-da 70 illik yubileyi münasibətilə Rusiya prezidenti Dmitri Medvedevin onu təltif etdiyi “Dostluq” ordenindən imtina edib. APA-nın Rusiya xəbər agentliklərinə istinadən yaydığı məlumata görə, bunu Tiflisdə keçirilən mitinqdə Gürcüstan parlamentinin təhsil, mədəniyyət və idman komitəsinin sədri Georgi Qabaşvili bildirib. O, məşhur sənətçinin Rusiyanın Gürcüstana qarşı əməllərinə etiraz əlaməti olaraq ordeni geri qaytarmaq və Rusiyada nəzərdə tutulan konsertlərini ləğv etmək qərarına gəldiyini açıqlayıb. Hazırda Batumidə istirahət edən V. Kikabidze bu informasiyanı təsdiqləyib. O, Rusiya xalqına böyük hörmət və simpatiya bəslədiyini, amma Rusiyanın Gürcüstana qarşı son əməllərindən sonra bu ordeni qəbul edə bilməyəcəyini söyləyib.

Gürcüstan_Rusiya