MDB

Ana səhifə

MDB

Gürcüstan paytaxtında Tiflis Dövlət Tibb Universitetinin 80 illik yubileyi qeyd olunur

21 oktyabr 2010 22:07 (UTC +04:00)

Tiflis. Nizami Məmmədzadə-APA. Oktyabrın 21-də Tiflis Dövlət Tibb Universitetinin (TDTU) 80 yaşı tamam olub. APA-nın Gürcüstan bürosunun məlumatına görə, bu gün təhsil ocağının həftəlik yubileyi çərçivəsində Gürcüstanın elm və təhsil naziri Dmitri Şaşkin bir neçə tədbirlərə qatılıb. Məlumata görə, oktyabrın 21-də Tiflis Tibb Universitetinin Fəxri Doktor diplomlarının təqdim edilməsi mərasimi keçirilib. Tədbirdə xarici qonaqlara yubiley medalı təqdim edilib və «Tiflis Dövlət Universiteti-ənənələrlə gələcəyə» adlı kinoxronika nümayiş etdirilib. Qonaqlar tədbirdə universitetin tarixini əks etdirən foto-sərgi və məzunların çəkdiyi rəsmlərlə tanış olublar.
Tədbirə universitetin bütün strukturları qoşulub. Eyni zamanda bir neçə nəslin akademik heyəti, tələbələr və məzunlar daxil edilib.

TDTU-da 5 fakültə fəaliyyət göstərir; səhiyyə, stomatologiya, əczaçılıq, ümumi səhiyyə, fiziki səhiyyə və reabilitasiya. Təhsil ocağında 4 ali peşəkar maarifləndirici proqram həyata keçirilir; ümumi profil üzrə tibb bacısı, mamaça, əczaçı köməkçisi, səhiyyə operatoru və farmasevt qurğusu.

TDTU Avropa Tibb Maarifi Assosiasiyasının (AMEE) və Ümumdünya Tibb Maarifi Federasiyasının (WFME) üzvüdür.

Qeyd edək ki, TDTU 80 illik yubileyinə Azərbaycan Elmlər Akademiyasının üzvü, görkəmli onkoloq alim Cəmil Əliyev də qatılıb və burada onkologiya mövzusu üzrə mühazirə oxuyub.