MDB

Ana səhifə

MDB

Rusiyada prezident seçkiləri –MOSKVADAN REPORTAJ

Rusiyada prezident seçkiləri –<font color=red>MOSKVADAN REPORTAJ </font>

04 mart 2012 17:37 (UTC +04:00)

Artıq Bakı vaxtı ilə 00:00 ilə Rusiyanın şərqində, Çukotka, Maqadan və Kamçatkada başlayan seçkilər artıq yekunlaşıb. Səslərin sayılmasına başlanılıb.

APA-nın Moskva müxbiri paytaxtın 164 saylı seçki məntəqəsində olub. Şəhərin mərkəzində yerləşən seçki məntəqəsində fəallıq müşahidə olunub. Paytaxt sakinləri normal qaydada seçki hüquqlarından istifadə etdiklərini bildiriblər. Seçki məntəqəsində prezindetliyə namizədlərin təmisl olunduğu siyasi partiyaların nümayəndələri, beynəlxalq təşkilatlardan olan müşahidəçilər və qeyri-hökumət təşkilatlarının nümayəndələri olublar.

Kommunist Partiyasından olan müşahidəçi Aleksey Rodmistrov müxbirimizlə söhbətində 164 saylı seçki məntəqəsində saat 16:00-a kimi qanun pozuntusu aşkar edilmədiyini söyləyib. Onun sözlərinə görə, karusel əməliyyatı keçirmək istəyən bəzi şübhəli şəxslər müşahidə edilib: “Lakin hələlik belə bir qanun pozuntusuna rast gəlməmişik. Lakin digər seçki məntəqələrindəki müşahidəçilərimizin verdiyi xəbərlərə görə, çoxlu sayda qanun pozuntuları olub. Bunlar əsasən karusel prosesinin həyata keçirilməsidir”.

164 saylı seçki məntəqəsinin sədri saat 15:00-a qədər məntəqədə yüksək fəallığın müşahidə olunduğunu söyləyib. Onun sözlərinə görə, bu vaxta qədər 40 %-ə qədər seçici artıq seçki hüququndan istifadə edib. Bu şəhərin mərkəzində yerləşən seçki məntəqəsi üçün yüksək göstəricidir. Bu onu göstərir ki, seçki fəallığı çox yüksəkdir”.

Seçkilərdə iştirak edən Moskva sakinlərindən bir neçəsi ilə söhbət edən APA-nın müxbirinə seçicilər normal şərait yaradıldığını, rahatlıqla konstitusion hüquqlarından istifadə etdiklərini söyləyiblər.

Seçkilər saat 20:00-da yekunlaşıb. Daha sonra səslərin sayılmasına başlanılıb.

Artıq Rusiya müxalifəti seçkilərdə çoxlu sayda qanun pozuntularının aşkar edildiyini əsas gətirərək, bu axşam paytaxtın Puşkin meydanında oturaq aksiya keçirəcəklərini bəyan ediblər.

Qeyd edək ki, prezident vəzifəsi uğrunda 5 namizəd – “Vahid Rusiya”(Yedinya Rossiya) partiyasının lideri, baş nazir Vladimir Putin, kommunistlərin lideri Gennadi Züqanov, “Ədalətli Rusiya”(Spravedlivaya Rossiya) partiyasından Sergey Mironov, liberal-demokratlardan Vladimir Jirinovski və bitərəf milyarder Mixail Proxorov mübarizə aparırlar. 50%-dən artıq səs toplamış namizəd Rusiya prezidenti elan ediləcək. Əgər heç bir namizəd səslərin yarısından çoxunu toplaya bilməsə, birinci və ikinci yeri tutmuş namizədlər arasında ikinci tur təyin ediləcək. İkinci turda daha çox səs toplamış namizəd qalib elan olunacaq. Seçiləcək prezident ölkəni əvvəlki kimi 4 yox, 6 il idarə edəcək.