Zelenskinin Belarusa qarşı təhdidləri Minski birbaşa münaqişəyə cəlb etmək cəhdidir.
APA-nın Moskva bürosu xəbər verir ki, bunu Rusiya xarici işlər naziri Sergey Lavrov bildirib.
Onun sözlərinə görə, bu, özlüyündə hərbi əməliyyatların coğrafiyasını genişləndirmək üçün bir cəhddir.
Lavrov Ukrayna və onun qərbli tərəfdaşlarına Rusiya ilə Belarus arasında bağlanmış müqaviləni xatırladıb: “Bu müqaviləyə əsasən, Moskva Birlik Dövlətini müdafiə etmək üçün bütün tədbirləri görməyə hazırdır”.
Rusiya XİN başçısı vurğulayıb ki, Qərb tərəfindən verilən bütün bəyanatlar Moskvanın təslim olması tələbidir.
Qeyd edək ki, Ukrayna Prezidenti Volodimir Zelenski Belarus ərazisində Rusiyanın Ukraynaya qarşı pilotsuz uçuş aparatları ilə hücumlarını koordinasiya edən retranslyatorların fəaliyyəti dayandırılmasa, bir həftə sonra Ukraynanın bu məsələni özünün həll edəcəyini bəyan edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
