Türkiyə xarici işlər naziri Hakan Fidan Rusiya Təhlükəsizlik Şurasının katibi Sergey Şoyqu ilə görüşüb.
APA-nın Moskva bürosu xəbər verir ki, görüşdə təhlükəsizliyin möhkəmlənməsi müzakirə olunub.
Şoyqu bildirib ki, Moskva və Ankara Ukrayna ilə bağlı 2022-ci il İstanbul razılaşmalarının həyata keçirilməsini təmin etmək üçün əlindən gələni edib, lakin Qərb onları pozub: "İstanbul razılaşmaları o vaxt birgə hazırlanıb. Qərbin müdaxiləsi olmasaydı, bu işi başa çatdırmaq üçün hər cür imkanımız olardı".
Şoyqu BMT-nin Baş katibi Antonio Quterreşi Qara Dəniz Taxıl Təşəbbüsünü pozmaqda ittiham edib: "Razılaşmalarda iştirak edən yeganə - üçüncü iştirakçı üzərinə götürdüyü öhdəlikləri yerinə yetirə bilməyib. Mən BMT-ni, cənab Antonio Quterreşi nəzərdə tuturam".
O vurğulayıb ki, Rusiya və Türkiyə isə öz növbəsində öhdəliklərini tam yerinə yetirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
