Bakı-APA. Mahaçqalanın Daxili İşlər İdarəsinin başçısının müavini, şəhər polisinin rəisi Raip Aşikov “Şəhərsukanal”ın direktoru Məhəmmədhacı Əliyevin 2011-ci ildə törədilmiş qətlinə aidiyyəti olub-olmadığı müəyyənləşənədək tutduğu vəzifədən kənarlaşdırılıb.
APA-nın “İTAR-TASS”a istinadən verdiyi xəbərə görə, agentliyin hüquq-mühafizə orqanlarındakı mənbəsi qeyd edib ki, Mahaçqala polisinin rəisi işdən məhz istintaq çərçivəsində kənarlaşdırılıb. Bütün materiallar İstintaq Komitəsinin regional idarəsinə göndərilib.
Məhəmmədhacı Əliyev 2011-ci ilin mayında Dağıstatın Kaspiysk şəhərində qətlə yetirilib. O aldığı güllə yaralarından hadisə yerində keçinib. Hüquq-mühafizə orqanlarındakı mənbə qeydə edib ki, Əliyevin qətli ilə bağlı Kizlər şəhərinin prokurorunun köməkçisi də saxlanılıb. Mahaçqala Daxili İşlər İdarəsində bildiriblər ki, Raip Aşikov xidməti yoxlama bitənədək vəzifəsindən kənarlaşdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
