APA-nın məlumatına görə, tərəflər aviadaşımaların intensivləşdirilməsi, ölkələr arasında quru və hava nəqliyyatının bərpa edilməsi məsələsini müzakirə ediblər. Humanitar əlaqələrin normallaşdırılması, xüsusilə mövcud viza rejiminin sadələşdirilməsi də əsas müzakirə mövzularından olub. Tərəflər həmçinin Soçidə keçirilən Qış Olimpiya Oyunları ilə bağlı məsələlərin iki ölkənin Milli Olimpiya Komitələri səviyyəsində müzakirə olunmasına dair razılıq əldə ediblər. Karasin və Abaşidze görüşün konstruktiv şəraitdə keçdiyini vurğulayıblar.