Media

Ana səhifə

Media

Azərbaycan mətbuat nümayəndələrinin jurnalistlərin V qurultayının qərarlarına münasibəti - YENİLƏNİB

Azərbaycan mətbuat nümayəndələrinin jurnalistlərin V qurultayının qərarlarına münasibəti - <font color=red>YENİLƏNİB</font>

20 iyun 2008 14:24 (UTC +04:00)

Bu fikirləri APA-ya açıqlamasında “Yeni Nəsil” Jurnalistlər Birliyinin sədri Arif Əliyev bildirib. A. Əliyev deyib ki, onun bağlı olduğu təşkilatlar bundan sonra Mətbuat Şurasının təsisçisi olmayacaq.
Mətbuat Şurasının Nizamnaməsinə dəyişikliyin edilməsinin əleyhinə olan, qurultayda qurumun İdarə Heyətinin üzvü seçilmiş Qulu Məhərrəmli isə APA-ya bildirib ki, qurultay normal keçib: “Qurultay necə olmalı idisə, o cür də oldu, səssiz, normal, problemsiz... Qarşıya hansı məqsədi qoyulmuşdusa, o məqsədə də nail olundu”. Q. Məhərrəmli Mətbuat Şurası İdarə Heyətində fəaliyyət göstərəcəyini bildirib.
Mətbuat Şurası İdarə Heyətinin keçmiş üzvü, Demokratik Jurnalistlər Liqasının (DJL) sədri Yadigar Məmmədli isə APA-ya indiyə kimi İdarə Heyətində cəmiyyətin bütün spektrinin təmsil olunduğunu, bu dəfə bu prinsipin pozulduğunu bildirib: “Əvvəlki İdarə Heyətində həm müxalifət, həm iqtidar yönlü, həm də müstəqil, mediada sözü olan şəxslər təmsil olunurdu. Ona görə də Mətbuat Şurasının nüfuzu vardı”. Y. Məmmədli əks fikir söyləyənlərin İdarə Heyətindən kənarda qalmalarının Mətbuat Şurasının nüfuzuna xələl gətirəcəyini vurğulayıb.
Qurultayda iştirak etməyən “Yeni Müsavat” qəzetinin baş redaktoru Rauf Arifoğlu APA-ya açıqlamasında bildirib ki, Azərbaycan Jurnalistlərin V Qurultayı Mətbuat Şurasının yaradılmasında iştirak edən insanların münasibətlərindəki çatları daha dərinləşdirdi: “Azərbaycanın müstəqil mediası bir neçə şəxsin çiyinləri üzərində durur. O şəxslər arasında münasibətlər bərpa olunması çətin olan səviyyədə daha da pisləşdi. Mən bunu heç arzu etmirdim”. Azərbaycanda yeni media strukturunun qurulması istiqamətində bir qədər əvvəl səsləndirdiyi təklifi yada salan baş redaktor deyib ki, bu yöndə bu gündən sonra fəaliyyətini daha da intensivləşdirəcək. Qurultayda iştirak etməməsinə gəlincə, R. Arifoğlu buna ehtiyac duymadığını bildirib.
Mətbuat Şurasının İdarə Heyətinin üzvü, “525-ci qəzet”in baş redaktoru Rəşad Məcid isə Mətbuat Şurasına alternativ qurumun yaradılması ideyasının ciddi məsələ olmadığını deyib: “Bu ərəfədə Mətbuat Şurası güclənməlidir. Mətbuata dövlət dəstəyi haqqında konsepsiyanın qəbul ediləcəyi, şuraya bir sıra səlahiyyətlərin veriləcəyi gözlənilir. Bütün bunlar Mətbuat Şurasını daha da gücləndirəcək. Kimsə alternativ qurum yarada bilərsə, bu qurum xarici fondların dəstəyi ilə yaşasa da, uzunömürlü ola bilməz. Yaxşı olardı ki, Mətbuat Şurasının keçmiş İdarə Heyətinin üzvləri ümumi razılığa gəlib, yaranmış vəziyyətdən çıxış yolu tapaydı. Hər halda qurultay qərarlarını qəbul edib və hamı bunu qəbul etməlidir”.
R. Məcid qurultayda keçirilən səsvermə ilə bağlı səslənən iradları qəbul etmədiyini bildirib: “Hər şey səsvermənin nəticəsindən asılı oldu. Gizli səsvermə də olsaydı, nəticə dəyişməyəcəkdi. Qurultay iştirakçıları birmənalı olaraq Nizamnamə dəyişikliyinə tərəfdar idi”.

Azərbaycan_jurnalist_qurultay