Media

Ana səhifə

Media

APA-nın yeni korporativ stilinin və yeni stilə uyğun hazırlanmış internet saytının təqdimatı keçirilib - YENİLƏNİB

APA-nın yeni korporativ stilinin və yeni stilə uyğun hazırlanmış internet saytının təqdimatı keçirilib - <font color=red>YENİLƏNİB </font>

24 iyul 2008 14:43 (UTC +04:00)

Bir çox ictimai xadimin, millət vəkillərinin, media təşkilatları rəhbərlərinin və müxtəlif şirkət təmsilçilərinin iştirakı ilə keçirilən təqdimat mərasimində çıxış edən APA-nın baş direktoru Vüsalə Mahirqızı bildirib ki, 2004-cü ilin noyabrından 7 işçi ilə fəaliyyətə başlayan agentliyin işçi personalı ötən 4 il ərzində 150 nəfərə qədər artıb. Gün ərzində beş dildə 600-ə qədər xəbər yayan APA bu sayı artırmağı nəzərdə tutur. V. Mahirqızının sözlərinə görə, yaxın vaxtlarda APA-nın xəbərlərinin müxtəlif dillərdə yeni yayımı da planlaşdırılır. Agentlik yaxın vaxtlarda həm də video-görüntülü xəbərlərini peyk vasitəsilə yaymağa hazırlaşır.
APA-nın yeni korporativ stilini yaradan “PeopleBrand” şirkətinin direktoru Emin Quluzadə isə APA-nın Azərbaycanda ən çox sitat gətirilən agentlik olduğunu nəzərə çatdırıb. APA-nın yeni korporativ stili barədə məlumat verən şirkət direktoru əlavə edib ki, agentliyin yeni loqotipində neytrallığı əks etdirən mavi rəngin çalarlarından istifadə edilib. Loqotipdə əks olunan yarımkürə isə APA-nın inkişaf edərək yüksəldiyi mərhələni göstərir. E. Quluzadə APA-nın geniş oxucu kütləsinə daha yaxşı tanıdılması üçün kampaniya keçirilməsinin planlaşdırıldığını vurğulayıb.
APA-nın saytının reklam yerlərini idarə edəcək “DigitalBrand” şirkətinin icraçı direktoru Əflatun Hüseynov isə bildirib ki, agentliyin 30 min nəfər tərəfindən oxunan saytına həftənin iş günlərində daha çox baxılır. Ə. Hüseynov onu da qeyd edib ki, saytda reklam yerlərinin optimallaşdırılması üçün bır sıra dəyişiklər edilib, reklam verənlər üçün əlavə üstünlüklər təmin edilib. Ə. Hüseynov APA-nın yeni saytının yeni imkanlarla bu gündən istifadəyə verildiyini də vurğulayıb. Daha sonra mərasim iştirakçıları yeni korporativ stil və internet saytla tanış olublar.
Qeyd edək ki, yeni korporativ stildə yaradılan APA daha dinamik və müasir təsvir olunur. Tərəfsizliyin rəngi olan mavinin çalarlarından təşkil olunan loqotip sadə cizgiləri ilə agentliyin tutduğu mövqeni daha düzgün ifadə edir. Artıq 4 ildir ki, xəbər çatdıran agentliyin yeni şüarı isə “Xəbərimiz var” olub.
Agentliyin geniş oxucu kütləsi ilə birbaşa əlaqə vasitəsi olan www.apa.az saytı da yeni korporativ stilə uyğun hazırlanıb. İnternet istifadəçilərinin işini asanlaşdırmaq üçün saytda bir sıra dəyişiklik edilib. Saytın menyularının yeri, xəbər rubrikaları, strukturu müasir tələblərə uyğun tərtib olunub. Bundan başqa, fotoslaydlar və video xəbərlər bölməsi də istifadəçilərin ixtiyarına verilib. İstifadəçilər həm də saytı öz istəklərinə uyğun tənzimləmək imkanı qazanıblar.
Sayt hazırlanarkən reklam verənlərin də maraqları nəzərə alınıb. Belə ki, sayt marketinq cəhətdən Azərbaycanda ilk dəfə tətbiq olunan yeni imkanlarla təchiz olunub. “DigitalBrand” şirkəti tərəfindən tərtib olunan saytın reklam yerləri də bu şirkət tərəfindən idarə olunacaq.
APA müstəqil, özəl informasiya agentliyidir. 2004-cü ildə yaradılan agentlik 5 dildə fəaliyyət göstərir. APA abunəçilərinə gündəlik xəbərlərlə yanaşı, video görüntülər, bank renkinqləri, həftəlik və aylıq təhlillər, proqnozlar, xüsusi fotobank təqdim edir. Agentliyin yerli və xarici bürolardan ibarət xəbər şəbəkəsi qurulub.
“Digitalbrand” şirkəti digital marketinq sahəsində fəaliyyət göstərir. “PeopleBrand” reklam agentliyi tərəfindən 2008-ci ildə təsis olunan şirkət, internet reklam, media satınalma və media planlaşdırma, vebanalitika və araşdırma, multimedia təqdimatlarının hazırlanması və mobile marketinq xidmətləri verir.

APA_loqo_sayt