Tiflisdə ATƏT-in təşəbbüsü ilə “İctimai yayımın problemləri və yayımın rəqəmsal formata keçidi” mövzusunda konfrans keçirilir

Tiflisdə ATƏT-in təşəbbüsü ilə “İctimai yayımın problemləri və yayımın rəqəmsal formata keçidi” mövzusunda konfrans keçirilir
# 13 noyabr 2008 10:49 (UTC +04:00)
Tiflis. Nizami Məmmədzadə - APA. Bu gün Gürcüstanın paytaxtı Tiflisdə ATƏT-in təşəbbüsü ilə “İctimai yayımın problemləri və yayımın rəqəmsal formata keçidi” mövzusunda Cənubi Qafqaz ölkələrinin V konfransı başlayıb. APA-nın Gürcüstan bürosunun məlumatına görə, tədbirdə ictimai televiziyaların problemləri, Avropa Şurasının təklifləri, rəqəmsal formata keçidin mərhələləri barədə qanuna edilən düzəlişlər, o cümlədən ictimai radioların problemlərinin həlli ilə bağlı təklif və rəylər dinlənilib.

Konfransda təcrübə mübadiləsinin aparılması, media nümayəndələrinin maarifləndirməsi istiqamətində tədbirlərin həyata keçirilməsi məsələləri önə çəkilib. Konfransın sonuncu günü – noyabrın 14-də Cənubi Qafqaz ölkələrinin ictimai televiziyalarının rəqəmsal formata keçidi ilə bağlı deklarasiyanın qəbul edilməsi nəzərdə tutulur.

Azərbaycanı tədbirdə İctimai Televiziya və Radio Yayımları Şirkətinin nümayəndəsi təmsil edir.
#
#

ƏMƏLİYYAT İCRA OLUNUR