Media

Ana səhifə

Media

Azərbaycan Jurnalistlər Birliyinin 50 illik yubileyi Almaniyada qeyd edilib - FOTOSESSİYA

Azərbaycan Jurnalistlər Birliyinin 50 illik yubileyi Almaniyada qeyd edilib - <font color=red>FOTOSESSİYA</font>

27 may 2009 10:15 (UTC +04:00)

Berlin. Kəmalə Quliyeva - APA. Azərbaycan Jurnalistlər Birliyinin (AJB) 50 illik yubileyi Almaniyanın paytaxtı Berlində qeyd olunub. Yubiley mərasimində Alman Bundestaqının, Xarici İşlər Nazirliyinin (XİN), Federal Kansler İdarəsinin, Berlin Senatının nümayəndələri, Almaniyanın görkəmli ictimai xadimləri, aparıcı mətbuat təmsilçiləri, Alman Jurnalistlər Birliyinin rəhbərliyi, Azərbaycanın Almaniyadakı səfirliyinin əməkdaşları və diaspor üzvləri iştirak ediblər. APA-nın məlumatına görə, tədbirdə Bundestaqın millət vəkili Eduard Lintner açılış nitqi söyləyib. O, çıxışında Azərbaycan dövləti tərəfindən mətbuata qayğı göstərildiyini deyib, yeni yaradılmış KİV-in inkişafına Dövlət Dəstəyi Fondunu buna nümunə çəkib. O, mətbuat azadlığına nail olunması üçün dövlətin media ilə birgə konstruktiv işbirliyinin düzgün və gərəkli yol olduğunu söyləyib.

Almaniya XİN-in Rusiya, Orta Asiya və Qafqaz üzrə mədəniyyət və mətbuat əlaqələri şöbəsinin müdiri Volfqanq Dik isə çıxışında hazırda Cənubi Qafqaz regionuna olan diqqət və maraqdan danışıb, alman dövləti tərəfindən bu bölgədə mətbuat azadlığının inkişafı üçün də səylər göstərildiyini qeyd edib. O, Azərbaycan Jurnalistlər Birliyini 50 illik yubileyi münasibəti ilə təbrik edib.

Mərasimdə çıxış edən AJB sədri Elçin Şıxlı rəhbəri olduğu təşkilatın və ümumiyyətlə Azərbaycan jurnalistikasının bugünkü vəziyyəti, uğurları, çətinlikləri, vəzifələri haqqında danışıb. O, AJB-nin Almaniya və Avropa təmsilçisi, Almaniyada N. Gəncəvi adına Azərbaycan Mədəniyyəti İnstitutunun direktoru Nuridə Atəşiyə bu tədbiri təşkil etdiyi üçün təşəkkür edib: “Biz ümid edirik ki, Nuridə Atrəşinin vasitəsilə alman və Avropa jurnalistləri ilə Azərbaycan jurnalistləri arasında əlaqələr yaratmağa nail olacağıq”.

Öz növbəsində, N. Atəşi bu məsuliyyəti anladığını bildirib, ona göstərilən etimadı doğruldacağını söyləyib.

Rəsmi hissədən sonra yubiley iştirakçılarına ziyafət verilib.