USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Ana səhifə

Media

Nuşirəvan Məhərrəmli: “ANS özü-özünü gözdən salıb, başqalarının onu gözdən salmasına ehtiyac yoxdur” - MÜSAHİBƏ

Nuşirəvan Məhərrəmli: “ANS özü-özünü gözdən salıb, başqalarının onu gözdən salmasına ehtiyac yoxdur” - <font color=red>MÜSAHİBƏ </font>

20 iyun 2009 09:25 (UTC +04:00)

Bakı. Kəmalə Quliyeva – APA. Milli Televiziya və Radio Şurasının (MTRŞ) sədri Nuşirəvan Məhərrəmli rəhbərlik etdiyi qurumun ANS ÇM radiostansiyasına milli mənəvi dəyərləri pozan verilişlər yayımladığına görə etdiyi şifahi xəbərdarlıqla bağlı ANS Müstəqil Yayım və Media Şirkətinin vitse-prezidenti Mirşahin Ağayevin açıqlamasına münasibət bildirib. N. Məhərrəmli APA-ya açıqlamasında ANS rəsmisinin MTRŞ-nın qərarının real faktlara deyil, hansısa dinləyici zənglərinə əsaslanması barədə ittihamının düzgün olmadığını deyib:

- Əlimizdə ANS ÇM-də bizim xəbərdarlıq etdiyimiz verilişin audio yazısı var. Orada aparıcı hansı sözləri deyib, dinləyicilər necə cavab verib, bunların hamısı bizdə var. Bütün bunları da ANS ÇM-nin nümayəndələri ilə müzakirə etdik. Həmin verilişdə çox ədəbsiz ifadələr işlənilib. Bu ifadələr heç bir azərbaycanlı ailəsində müzakirə olunmayan sözlərdir. O fikirləri onlar efirə çıxararaq müzakirə ediblər. Bundan əvvəl də radioda belə hallar olub. Ona görə də biz ANS ÇM-ə şifahi xəbərdarlıq etdik. Əgər onlar bunu adiləşdiriblərsə, bu, çox pis tendensiyadır.

- ANS-in vitse-prezidenti bildirib ki, MTRŞ-nın bu qərarı ANS-i gözdən salmağa yönələn kampaniyanın tərkib hissəsidir.

- ANS özü-özünü gözdən salıb, başqalarının onu gözdən salmasına ehtiyac yoxdur. Əgər başqa kanallarda da belə pornoqrafik məsələlərlə bağlı mövzular müzakirə edilərsə, onlara daha ağır cəzalar veriləcək. ANS ÇM-ə verilən cəza çox yüngüldür. Biz bu məsələyə yenidən baxacağıq.

- Mirşahin Ağayev ANS-in 3 ilə yaxındır ki, MTRŞ-nın əsassız qərarlarına münasibət bildirməmək siyasəti yürütdüyünü, lakin bundan sonra qurumun qərarlarına dərhal reaksiya verəcəklərini bildirib. O, MTRŞ-nı məsuliyyətli olmağa və ANS ÇM-lə bağlı qərarına təkzib verməyə çağırıb...

- Buna çox təəssüf edirəm. Əgər Mirşahin kimiləri milli-mənəvi dəyərlərin nə olduğunu bilmirsə, onda getsin təzədən oxusun.

- Hazırda başqa radiolarla bağlı vəziyyət nə yerdədir? Digər radiolarda da bu tipli qanun pozuntuları qeydə alınıbmı?

- Radio və televiziyaların monitorinqi mütəmadi aparılır. Ancaq bu cür hallar qeydə alınmayıb. ANS ÇM pornoqrafiya ilə bağlı məsələni belə qoymuşdu: pornoqrafiyalı filmlərə baxmısınızmı? Bir saat ərzində dinləyicilərlə canlı şəkildə bu mövzuda sual-cavab etdilər. Özü də dinləyiciləri bu şeylərə təhrik edirdilər. Ancaq başqa kanallarda belə hallar yoxdur.

- Telekanallarda bəzən MTRŞ-nın dövlət dilinin qorunması ilə bağlı qərarının pozulduğu da müşahidə edilir. Bununla bağlı Şuranın hər hansı qərarı olacaqmı?

- Biz qeyd etmişik ki, prezidentlərin görüşü zamanı, maarifləndirici verilişlər olan vaxt hələlik bu hallara icazə veririk.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO