USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Ana səhifə

Media

Azərbaycan MTRŞ sədri: “Milli-mənəvi dəyərlərin pozulmasına görə televiziyalara cərimə sanksiyalarının tətbiq edilməsini istəyirik”

05 oktyabr 2009 19:24 (UTC +04:00)

Bunu APA-ya açıqlamasında Azərbaycan Milli Televiziya və Radio Şurasının (MTRŞ) sədri Nuşirəvan Məhərrəmli Prezident Administrasiyasının rəhbəri Ramiz Mehdiyevin “Azərbaycanın efir məkanı: problemlər və vəzifələr” başlıqlı məqaləyə münasibət bildirərkən deyib.

Azərbaycan teleradio məkanında son illər kəmiyyət və keyfiyyət baxımından ciddi dəyişikliklər olduğunu deyən N. Məhərrəmli bunların hamısını təhlil edərək, problemlərdən çıxış yolunu göstərməyin mühüm olduğunu vurğulayıb: “ Mən bu məqaləyə görə Milli Televiziya və Radio Şurası adından Ramiz müəllimə təşəkkürümü bildirirəm ”.

Televiziyanın üç əsas funksiyası olan maarifləndirmə, məlumatlandırma və əyləndirmənin hər birinin özü-özlüyündə tərbiyəvi və milli əhəmiyyət daşımalı olduğunu qeyd edən MTRŞ sədri “təəssüf ki, son vaxtlar Azərbaycan televiziyaları reytinq ardınca qaçaraq şou verilişlərin sayını artırmaqdadırlar” deyə, qeyd edib.

N. Məhərrəmli deyib ki, bu məsələlərlə bağlı MTRŞ dəfələrlə iradlarını bildirib: “ Amma bizim kanalların yaradıcılıq işlərinə qarışmaq səlahiyyətimiz yoxdur. Milli-mənəvi dəyərlər ciddi məsələ olduğu üçün bununla bağlı MTRŞ-nın təsir imkanları artırılmalıdır. Əgər telekanallar biznes maraqlarından çıxış edəcəksə, milli-mənəvi dəyərlər arxa plana keçəcəksə, cəmiyyət bundan haqlı olaraq narazılıq edib ölçü götürülməsini tələb edəcək. Bunun üçün də MTRŞ-nın təsir imkanları olmalıdır”.

N. Məhərrəmli bildirib ki, “Teleradio yayımın haqqında” qanunda, İnzibati Xətalar Məcəlləsində televiziya və radioların yayımlarındakı qanun pozuntuları ilə bağlı müəyyən sanksiyalar nəzərdə tutulub: “Lakin bu sanksiyaların arasında milli-mənəvi dəyərlərin pozulmasına görə cərimələr nəzərdə tutulmayıb. Biz istəyərik ki, o cərimələr də qanunda əksini tapsın. Biz bu məsələni qaldırmışıq, eyni zamanda mövcud cərimələr də çox aşağı, təxminən 200-300 manat civarındadır. Xarici ölkələrdə isə teleradio yayımındakı qanun pozuntularına görə cərimələrin məbləği böyükdür”.

N. Məhərrəmli bildirib ki, rəhbərlik etdiyi qurumun televiziyalarda peşəkarlığın artması ilə bağlı planları da var: “Biz televiziyaların xəbər və tok-şou aparıcıları üçün treninqlər keçirmək istəyirik. Bu sahədə ciddi problemlər var. Digər layihələr də nəzərdə tuturuq”.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO