Media

Ana səhifə

Media

Moskvada Avropa və Asiya Media Qurumlarının Forumu başlayıb - FOTOSESSİYA

Moskvada Avropa və Asiya Media Qurumlarının Forumu başlayıb - <font color=red>FOTOSESSİYA</font>

09 dekabr 2009 09:19 (UTC +04:00)

Forumda açılış nitqi söyləyən “RİA Novosti” agentliyinin baş redaktoru Svetlana Mironyuk tədbirə 14 ölkədən 140 iştirakçının qatıldığını deyib. O jurnalistlərin peşəkar qarşılıqlı fəaliyyətinin nəticələrinin bir çox hallarda dövlətlərarası kontekstdə siyasi, iqtisadi əməkdaşlıqdan daha üstün olduğunu bildirib. Svetlana Mironyuk forumda müzakirə olunacaq məsələlərin üç qrupa bölündüyünü bildirib. Bunlar texnoloji məsələlər (informasiyanın çatdırılması yolları, multimedia), jurnalistika - peşə kimi və siyasi-ideoloji məsələlərdir. Postsovet məkanında kütləvi informasiya vasitələrinin dinamik inkişaf etdiyini deyən natiq dünya praktikasından geri qalmamağın və zamanı qabaqlamağın vacibliyini vurğulayıb. O plagiatla mübarizənin söz azadlığı və plüralizmin vacib elementi adlandırıb. Forum işini davam etdirir.
Bu, postsovet məkanı ölkələrinin milli kütləvi informasiya vasitələrinin nümayəndələrinin iştirakı ilə keçirilən sayca dördüncü forumdur. İlk belə forum 2006-cı ildə “RİA Novosti” agentliyinin təşəbbüsü ilə keçirilib.
Forumun məqsədi müasir dünyada kütləvi informasiya vasitələrinin qarşısında duran problemlərin müzakirəsidir. Bu il keçirilən forumu tərkib baxımından daha genişdir – tədbirdə postsovet məkanı ölkələrinin 140-dan artıq tanımış mətbuat və internet nəşrlərinin rəhbərləri, o cümlədən çoxlu sayda qonaq iştirak edir.
Forumun proqramına iştirakçıların öz rusiyalı həmkarları, dövlət qurumlarının rəhbərləri, tanınmış siyasi və ictimai xadimlərlə görüşlər daxildir. Diskussiyalar, dəyirmi masalar, panellər formatında keçiriləcək forumda kütləvi informasiya vasitələrinin fəaliyyəti və birgə multimedia layihələri barədə müzakirələr aparılacaq.
Xatırladaq ki, Forumun ilk günündə “Postsovet məkanının kütləvi informasiya vasitələri və ictimai inkişaf. Yeni peşəkar yanaşmalar və tendensiyalar” və “Avrasiya: regional təhlükəsizliyə dair suallar və cavablar” mövzusunda müzakirələr aparılacaq. Mövzular ətrafında Rusiyanın rabitə və kütləvi kommunikasiyalar naziri İqor Şeqolevin, “Rospeçat”ın sədri Mixail Seslavinskinin, Latviya Jurnalistlər İttifaqının sədri Yuris Paydersin, Rusiya Jurnalistlər İttifaqının sədri Vsevolod Boqdanovun, Rusiya prezidentinin xüsusi nümayəndəsi Mixail Şvıdkoyun, “İzvestiya” qəzetinin prezidenti Vladimir Mamontovun, “Qolos Rossii” radioşirkətinin sədri Andrey Bıstritskinin, MDB İcraiyyə Komitəsinin icra katibi Sergey Lebedevin, Siyasi və Hərbi Analiz İnstitutunun təmsilçisi, politoloq Sergey Markedonovun, Azərbaycan İctimai Televiziyasının analitika departamentinin rəhbəri Telman Məmmədovun çıxışları nəzərdə tutulur.

Dekabrın 10-da forum öz işini müxtəlif mövzularda diskussiyalar şəklində davam etdirəcək. Forumda “Multimedia kütləvi informasiya vasitələri – informasiyanın istehsalına və yayılmasına dair yeni texnologiyalar”, “Mətbuat: hadisələrin necə işıqlandırmalı”, “KİV və beynəlxalq əməkdaşlıq problemləri”, “Televiziya: sabahın proqramı”, “Multimedia kütləvi informasiya vasitələrində şəxsiyyətin rolu”, “İnformasiya cəmiyyətində jurnalistika: tolerantlıq və peşəkar etika problemləri” mövzuları ətrafında diskussiyaların təşkili planlaşdırılıb. Bundan başqa forumda “Mətbuatı kim silaha çevirir: İnformasiya qarşıdurmasının təbiəti”, “Qlobal böhran və mass-media”, “Birgə media məkanı: tərəflərin məsuliyyəti” mövzuları ətrafında fikir mübadiləsi aparılacaq. Diskussiyalarla paralel olaraq aparıcılar Alqis Kalanta (mətbuat), Aleksey Venediktov (radio) və Aleksandr Qurnov (televiziya) arzu edənlər üçün master-klasslar keçəcəklər. Forumun yekununda bəzi sənədlərin qəbul olunması gözlənilir. Daha sonra “RİA Novosti” agentliyinin informasiya məhsullarının təqdimatı, “RİA Novosti” adından qəbul təşkil olunması nəzərdə tutulub. Bununla da forum öz işini yekunlaşdıracaq. Qeyd edək ki, Avropa və Asiya Media Qurumlarının Forumunda Azərbaycanın Prezident Administrasiyasının siyasi analiz və informasiya təminatı şöbəsinin müdiri Fuad Axundovun rəhbərlik etdiyi nümayəndə heyəti təmsil edəcək. Nümayəndə heyətinə Azərbaycan kütləvi informasiya vasitələrinin rəhbərləri, qeyri-hökumət təşkilatlarının təmsilçiləri daxildir. APA-nın baş direktoru Vüsalə Mahirqızı da forumun işində iştirak etmək üçün Moskvaya gedib.