USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Ana səhifə

Media

Jurnalist Araşdırmaları Mərkəzi keçirdiyi sorğunun nəticələrinə dair hesabat açıqlayıb

13 yanvar 2010 16:34 (UTC +04:00)

Bakı. Kəmalə Quliyeva - APA. Jurnalist Araşdırmaları Mərkəzi ölkədə kütləvi informasiya vasitələrinin özünütənzimləməsi sahəsindəki vəziyyətə dair media ekspertləri, müstəqil jurnalistlər, KİV təmsilçiləri və ictimaiyyət nümayəndələri arasında keçirdiyi sorğunun nəticələrinə dair hesabat təqdim edib.

Mərkəzdən APA-ya verilən məlumata görə, sorğu ümumilikdə 100 respondent arasında keçirilib. Sorğu üzrə tərtib edilən anketlərdə mövzu ilə əlaqədar 6 sual yer alıb. Rəyi soruşulanların 41 faizi Azərbaycanda medianın özünütənzimləməsi ilə bağlı vəziyyəti müsbət, 40 faizi isə mənfi qiymətləndirib.

“Sizcə, hazırkı dövrdə Azərbaycan mediasının müstəqillik dərəcəsi özünütənzimləməyə imkan verirmi” sualına respondentlərin 43 faizi müsbət, 41 faizi mənfi cavab verib. Respondentlər hesab ediblər ki, hazırkı dövrdə medianın özünütənzimləməsi sahəsində əsas problemlər iqtisadi, sosial, siyasi, ictimai-mənəvi amillərlə bağlıdır. Rəyi soruşulanların 31 faizi medianın özünütənzimləməsinə xidmət edən işlər dedikdə, Azərbaycan Mətbuat Şurasının (MŞ) fəaliyyətini qeyd edib. Onların fikrincə, MŞ ötən müddət ərzində Azərbaycan mediasının əhəmiyyətli hissəsinin, xüsusən də qəzet, jurnal və informasiya agentliklərinin peşə fəaliyyətlərini yerinə yetirmələri sahəsindəki vəziyyətə ictimai nəzarəti həyata keçirməklə mühüm özünütənzimləmə orqanına çevrilə bilib.

Rəyi soruşulanların 8 faizi hesab edir ki, beynəlxalq təşkilatların KİV-in özünütənzimləməsi və müstəqilliklərinin artırılması sahəsindəki fəaliyyəti daha əhəmiyyətlidir. Bununla belə, onlar bildiriblər ki, əvvəlki illərdə beynəlxalq qurumların ölkədə söz və mətbuat azadlığının dərinləşməsi, o cümlədən KİV-in müstəqilliklərinin artırılması istiqamətindəki səyləri özünü daha qabarıq göstərirdi. Mətbuat Şurasının özünütənzimləmədəki rolunu önə çəkən 24 faiz respondent belə düşünür ki, qurum bu prosesdə daha çox mənəvi tərəfdən çıxış etməlidir. Rəyi soruşulanların 39 faizi Mətbuat Şurasının medianın özünütənzimləməsi ilə bağlı iş prinsipini tam razılıqla qarşıladıqlarını bildirərkən qurumun hazırkı şəraitdə daha artıq fəaliyyətə üstünlük verməsinə maneə olan bir sıra obyektiv cəhətlərin mövcudluğunu önə çəkirlər. Şuranın fəaliyyətindən qismən razı olan 36 faiz respondent isə belə düşünür ki, Mətbuat Şurasının ən təqdirəlayiq işi «reket jurnalistika»ya qarşı mübarizədir. Qurumun digər işlərinin bu cəhətdən tam təkmil olmadığını vurğulayan respondentlər MŞ-nin daha geniş miqyaslı fəaliyyət göstərə bilməsinin mümkünlüyünü bildirirlər.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO