USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

Xocalı soyqırımının mediada işıqlandırılması ilə bağlı keçirilən müsabiqənin yekunlaşmasına həsr olunan tədbir keçirilib

16 fevral 2010 11:16 (UTC +04:00)

Bakı. Kəmalə Quliyeva – APA. Azərbaycan Mətbuat Şurası (MŞ) və “Xocalı soyqırımını tanınma” İctimai Birliyi Xocalı soyqırımının mediada işıqlandırılması ilə bağlı keçirilən müsabiqənin yekunlaşması ilə bağlı tədbir keçirib. APA-nın məlumatına görə, tədbirdə çıxış edən MŞ sədri Əflatun Amaşov bildirib ki, bu müsabiqə daha çox beynəlxalq ictimaiyyət və xarici ölkələrdə yaşayan soydaşlarımızı məlumatlandırmaq məqsədi ilə keçirilir. Müsabiqəyə təqdim olunan yazılar ingilis, alman, fransız dillərinə tərcümə ediləcək, müsabiqənin ən yaxşı yazıları isə kitabça halında çap olunaraq müxtəlif ölkələrə yayılacaq.

Ə. Amaşovun sözlərinə görə, müsabiqə sentyabr 1-dən fevralın 10-dək davam edib. Müsabiqədə bir I yer üçün 1000 manat, iki II yer üçün 650 manat, üç III yer üçün 300 manat mükafat məbləği müəyyənləşdirilib. Bundan əlavə, 500 manat dəyərində xüsusi araşdırmaya mükafat veriləcək və 5 həvəsləndirici mükafat təqdim olunacaq. Bu vaxta qədər müsabiqəyə 76 yazı təqdim edilib. Ümumilikdə müsabiqə materialları 41 KİV-də çap olunub.

Ə.Amaşov deyib ki, müsabiqənin təşkilat komitəsinə millət vəkili Bəxtiyar Sadıqov, “525-ci qəzeti”n baş redaktoru Rəşad Məcid, Xarici İşlər Nazirliyinin mətbuat xidmətinin rəhbəri Elxan Poluxov, Diasporla İş üzrə Dövlət Komitəsinin nümayəndəsi Elşad Miraləm, Əsir və itkin düşmüş və girov götürülmüş vətəndaşlarla əlaqədar Dövlət Komissiyasının nümayəndəsi Mahir Cavadlı, “Bizim Yol” qəzetinin baş redaktoru Bahəddin Həziyev və millət vəkili Elman Məmmədov daxildir.

XİN-in mətbuat xidmətinin rəhbəri Elxan Poluxov isə bildirib ki, XİN və Diasporla İş üzrə Dövlət Komitəsi xarici ölkələrdə Azərbaycanla bağlı təbliğat işləri həyata keçirərkən məlumat aclığı hiss edir. Xüsusən də xarici auditoriyaya ünvanlanan yazılara böyük ehtiyac var. XİN nümayəndəsi bu müsabiqənin sonuncu müsabiqə olmayacağına ümid etdiyini bildirib.

Qeyd edək ki, müsabiqəyə maliyyə dəstəyini “Azersun-Holding” Şirkətlər Qrupu göstərib.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO