Media

Ana səhifə

Media

Xocalı soyqırımına həsr olunmuş yazı müsabiqəsinin nəticələri elan olunub - FOTO

Xocalı soyqırımına həsr olunmuş yazı müsabiqəsinin nəticələri elan olunub - <font color=red>FOTO</font>

25 fevral 2010 12:45 (UTC +04:00)

Bakı. Elnur Məmmədli - APA. Mətbuat Şurası və “Xocalı soyqırımını tanıtma” İctimai Birliyinin “Azərsun Holdinq”in maliyyə dəstəyi ilə Xocalı soyqırımına həsr olunmuş yazı müsabiqəsinin nəticələri elan olunub. APA-nın məlumatına görə, bununla bağlı Azərsun Holdiqin Mədəniyyət Mərkəzində tədbir keçirilib. Tədbirdə çıxış edən “Azərsun” Holdinqin vitse-prezidenti Tahir Goozzal Xocalı soyqırımının dünyada ən qəddar cinayətlərdən biri olduğunu vurğulayıb. O, hər bir azərbaycanlının bu faciəni dünyaya tanıtmasının vacib olduğunu və bu istiqamətdə səylərin durmadan davam etməsinin lazım olduğunu qeyd edib.

Mətbuat Şurasının sədri Əflatun Amaşov öz çıxışında bu vaxta qədər Azərbaycan mətbuatında soyqırımı ilə bağlı dərc olunmuş yazılar barədə danışıb. Onun sözlərinə görə, bu vaxta qədər dərc olunmuş yazılar yalnız yerli auditoriya olub: «Buna görə də biz bir qədər fərqli, xarici auditoriyaya ünvanlanmış yazıların dərc olunması üçün müsabiqə keçirdik». Ə. Amaşov qalibləri müəyyənləşdirən münsiflər heyətini tərkibini açıqlayıb. Qeyd edək ki, münsiflər heyətində XİN mətbuat xidmətinin rəhbəri Elxan Poluxov, Diasporla İş Komitəsinin əməkdaşı Elşad Miraləm, Əsir, İtkin və Girov Götürülmüş şəxslərlə iş üzrə Dövlət Komissiyasının əməkdaşı Mahir Cavadlı, Mətbuat Şurasının üzvləri Bəxtiyar Sadıxov, Rəşad Məcid və “Bizim Yol” qəzetinin baş redaktoru Bahəddin Həziyev təmsil olunublar. Ə. Amaşov müsabiqəyə 80-ə yaxın yazının təqdim olunduğunu vurğulayıb.

Azərbaycan qəzetinin baş redaktoru Bəxtiyar Sadıxov tədbirdə çıxış edərək qaliblərin müəyyənləşdirilməsi prosesinin tam şəffaf və obyektiv aparıldığını deyib. Daha sonra müsabiqənin nəticələri açıqlanıb. Qaliblərdən başqa müsabiqədə iştirak edəndaha 5 jurnalistə həvəsləndirici mükafat təqdim olunub. Saleh Qarabağlı isə Xocalı soyqırımı ilə bağlı araşdırmalarına görə xüsusi mükafata layiq görülüb.