Media

Ana səhifə

Media

Azərbaycan Mətbuat Şurası apellyasiya qrupunun ilk iclası keçirilib - FOTO

Azərbaycan Mətbuat Şurası apellyasiya qrupunun ilk iclası keçirilib - <font color=red>FOTO</font>

04 mart 2010 14:18 (UTC +04:00)

Bakı-APA. Mətbuat Şurasının (MŞ) İdarə Heyətinin fevralın 18-də keçirilən iclasında adları Şuranın «qara siyahı»sında yer alan kütləvi informasiya vasitələrinin həmin siyahıdan çıxarılmaları ilə əlaqədar müraciətlərinin araşdırılması üçün yaradılan «apellyasiya qrupu»nun ilk iclası keçirilib. MŞ-dən APA-ya verilən məlumata görə, qrupun rəhbəri, MŞ İdarə Heyətinin üzvü, «İki sahil» qəzetinin baş redaktoru Vüqar Rəhimzadə bildirib ki, «qara siyahı»da yer alan KİV-lərin 11-i MŞ-yə ərizə ilə müraciət edib. Qrupun üzvlərindən «Azərbaycan» qəzetinin baş redaktoru Bəxtiyar Sadıqov, Jurnalistlərin Həmkarlar İttifaqının sədri Müşfiq Ələsgərlinin və «Paralel» qəzetinin baş redaktoru Tapdıq Abbasın çıxışlarında qeyd olunub ki, hər hansı nəşrin «qara siyahı»dan çıxarılması məsələsi «Reket nəşr»lərin müəyyənləşdirilməsinə dair Təlimatın şərtləri əsas götürülməlidir.

Qeyd edilib ki, Təlimat aşağıdakı hallarda «qara siyahı»dan çıxarılmanı nəzərdə tutur:

MŞ-nin müvafiq qərarının qəbulundan ötən 1 (bir) il müddətində etik prinsiplərin pozulması ilə əlaqədar barəsində MŞ-yə əsaslı şikayət və müraciətlər daxil olmadıqda;

Azərbaycan Mətbuat Şurasının müvafiq qərarının qəbulundan sonrakı 1 il müddətində Şuranın apardığı monitorinqlər zamanı fəaliyyətində peşə prinsiplərinin pozulmasının aşkarlanmadığı müəyyənləşdirildikdə;

«Reket nəşr» elan olunan KİV-in MŞ-yə üzərindən «reket nəşr» adının götürülməsinə dair rəsmi müraciət ünvanlamasından, bunun üçün Təlimatda nəzərdə tutulan tədbirlərin reallaşdırılması istiqamətindəki tövsiyyələrə əməl etməyə razılığını bildirdikdən sonra;

KİV-in üzərindən «reket nəşr» adının götürülməsi prosedurunun həyata keçirilməsinə məlum nəşrin redaksiya kollektivi ilə əmək müqaviləsi bağladığını, əmək və vergi qanunvericiliyinin tələblərinə riayət etdiyini sübut edən sənədləri MŞ-yə təqdim etdikdən sonra;

- Məlum nəşrin il ərzində ən azı 12 nömrəsi çıxdıqdan sonra.

Qrup üzvləri qərara alıblar ki, mövcud tələblərə əməl olunmayacağı təqdirdə heç bir nəşrin «qara siyahı»dan çıxarılması məsələsinə baxıla bilməz.