USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

Mətbuat Şurasının Şikayətlər üzrə Komissiyasının növbəti iclası keçirilib

05 mart 2010 16:08 (UTC +04:00)

Bakı. Kəmalə Quliyeva-APA. Azərbaycan Mətbuat Şurasının (MŞ) Şikayətlər üzrə Komissiyasının növbəti iclası keçirilib. MŞ-dan APA-ya verilən məlumata görə, Şura sədrinin müavini Umud Rəhimoğlunun rəhbərlik etdiyi komissiya üzvləri 6 müraciəti araşdıraraq müvafiq rəylər çıxarıblar. Əvvəlcə millət vəkili Miri Qənbərovun “Millətin səsi” qəzetində gedən “Leriklilər Mirİ Qənbərova qarşı” sərlövhəli yazı ilə bağlı şikayətinə baxılıb. Komissiya yazıda etik prinsiplərin tələblərinə sayğısızlığın olması qənaətinə gəlib. Lakin qəzet leriklilərin bununla əlaqədar redaksiyaya ünvanladıqları məktublarına və MŞ-nın tövsiyəsinə müsbət yanaşaraq növbəti sayda təkzib dərc edib.

Komissiya Gəncə Şəhər Polis İdarəsinin “Bizim yol” qəzetində dərc olunmuş “Gəncədə müdhiş oğurluq” sərlövhəli yazıda peşə prinsiplərinin gözlənilməməsi barədə şikayətini əsaslı sayıb. Nəşrin rəhbərliyi komissiya üzvlərinin həmin materialda yanlış məlumatın təqdimatı, qeyri-rəsmi mənbələrin informasiyalarının yayılmazdan əvvəl nə dərəcədə doğruluğunun yoxlanılması, balans prinsipinin gözlənilməsinin vacibliyi barədə iradları ilə razılaşıb.

“Azərbaycan və iqtisadi yüksəliş” qəzetində Travmatologiya-Ortopediya Klinik Xəstəxanası və xəstəxananın baş həkimi Tariyel Qasımov barədə gedən yazılarla bağlı şikayətlər araşdırılarkən “Azərbaycan Jurnalistlərinin Peşə Davranışı Qaydaları”nın əksər tələblərinin pozulduğu müəyyənləşdirilib. Komissiyanın rəyinə əsasən, qəzetin iki sayı arasında 4 ay məsafə verməsi və bu məsələyə «Polit alyans» qəzetinin cəlbi də əsas məqsədin peşə yaradıcılığından qaynaqlanmadığını isbatlamaqda və “Azərbaycan və iqtisadi yüksəliş”in fəaliyyətində “reket jurnalistika”ya xas cəhətlərin üstünlük təşkil etdiyini göstərməkdədir. Komissiya baş redaktor Müştəba Əliyevə qarşı tərəfdən üzr istənilməsini, təkzib verilməsini tövsiyə edib. İclasda qəzetə ciddi xəbərdarlıq olunması, adının Şuranın “qara siyahı”sına salınması məsələsinin müzakirəsi üçün “Reket jurnalistika”ya qarşı mübarizə Komissiyasına müvafiq təqdimat verilməsi razılığına gəlinib. “Polit alyans” qəzetinin baş redaktoru Nəsimi Şərəfxanlı həm bu, həm də Salyan rayon maliyyə şöbəsinin müdiri Mahir Kərimovun MŞ-yə ünvanladığı şikayətdə əksini tapan iradları haqlı sayıb. Baş redaktor komissiyanın tövsiyələrinin nəşrin gələcək fəaliyyətində əsas götürüləcəyini deyib. O, hər iki şikayətçidən üzr istəməyə, növbəti sayda təkzib verməyə hazır olduğunu bildirib.

Komissiya “Söz azadlığı” qəzetinin də adının “qara siyahı”ya salınması üçün əsasların olduğunu müəyyənləşdirib. Komissiyanın rəyinə əsasən, Şəmkirin Çaparlı kənd icra nümayəndəliyinin Şuraya ünvanladığı şikayət qəzetin fəaliyyətindəki peşə prinsiplərinə zidd halların davamlı xarakter aldığını göstərir. Nəşrin rəhbərliyi Şikayətlər üzrə Komissiyanın ötən ay keçirilən iclasında MŞ-nin tövsiyəsinə əməl edəcəyini bildirsə də, eyni tənqid hədəfi barədə qərəzli münasibətini davam etdirib. Buna görə də “Söz azadlığı” barədə də “Reket jurnalistika”ya qarşı mübarizə Komissiyasına təqdimat verilməsi qərara alınıb.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO