Media

Ana səhifə

Media

“Demokratik cəmiyyətdə media: beynəlxalq və milli təcrübə” mövzusunda beynəlxalq konfrans keçirilir - FOTOSESSİYA

“Demokratik cəmiyyətdə media: beynəlxalq və milli təcrübə” mövzusunda beynəlxalq konfrans keçirilir - <font color=red>FOTOSESSİYA</font>

12 mart 2010 09:18 (UTC +04:00)

Bakı. Elnur Məmmədli – APA. İnsan Hüquqlarına dair Beynəlxalq Standartların Təsbiti üzrə Birgə İşçi Qrup və Azərbaycan prezidenti yanında Strateji Araşdırmalar Mərkəzinin birgə təşkilatçılığı ilə “Demokratik cəmiyyətdə media: beynəlxalq və milli təcrübə” mövzusunda bir günlük beynəlxalq konfrans keçirilir. APA-nın məlumatına görə, konfransa media məsələləri üzrə yerli və beynəlxalq mütəxəssislər, yerli media qurumlarının rəhbərləri, millət vəkilləri qatılıb.

Birgə İşçi Qrupun üzvü, Belçika Konstitusiya Məhkəməsinin hakimi Jan-Pol Murman çıxışında bildirib ki, inkişaf etmiş media demokratik dövlətlərin ən vacib sahələrindən biridir. O, Azərbaycanda medianın inkişaf etməsinin ölkənin demokratikləşməsi və stabilliyi üçün önəmli olduğunu vurğulayıb.

Prezident Administrasiyasının sektor müdiri Vüqar Əliyev deyib ki, Azərbaycan müstəqillik əldə etdikdən sonra digər sahələrdə olan inkişaf media sahəsinə də təsir edib. Onun sözlərinə görə, hazırda Azərbaycanda 4100-dən artıq KİV qeydiyyatdan keçib, onun 100-dən çoxu müntəzəm fəaliyyət göstərir, bundan başqa, 40 informasiya agentliyi, 20-dən artıq yayım şirkəti mövcuddur: “Azərbaycan mediasındakı çatışmazlıq isə onun cəmiyyətin inkişaf tempinə uyğunlaşmamasıdır”.

Mətbuat Şurasının sədri Əflatun Amaşov isə mətbuatın əsas problemi kimi onun iqtisadi dayaqlarının zəifliyini, jurnalistlərin sosial vəziyyətinin qənaətbəxş olmamasını, reklam bazarının yoxluğunu göstərib: “İqtisadi cəhətdən zəif olan media istər-istəməz asılı vəziyyətə düşür. Buna görə də biz medianın reklam bazarına yenidən baxmalıyıq”.

Ə. Amaşov jurnalistlərin ilk mənbədən informasiya almaq probleminin də olduğunu, bunun aradan qaldırılması üçün isə tədbirlərin həyata keçirildiyini söyləyib.

MŞ sədri onu da əlavə edib ki, hazırda həbsdə iki baş redaktor var: “Biz Novruz bayramı ilə əlaqədar onlarla görüşəcəyik və azad olunmaları üçün əlimizdən gələni edəcəyik”.

Konfrans günün sonuna kimi davam edəcək və sonda qətnamə qəbul olunacaq.