USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

Bakıda hökumət-KİV münasibətlərinə həsr olunmuş seminar keçirilir - YENİLƏNİB - FOTO

Bakıda hökumət-KİV münasibətlərinə həsr olunmuş seminar keçirilir - <font color=red>YENİLƏNİB - FOTO</font>

19 aprel 2010 10:39 (UTC +04:00)

APA-nın xəbərinə görə, ATƏT-in Bakı Ofisi və qurumun media azadlığı üzrə nümayəndəsinin ofisi tərəfindən təşkil olunan seminar söz və mətbuat azadlığının daxili və beynəlxalq hüquqi aspektlərinə həsr olunub. Tədbirdə Azərbaycanın 16 müxtəlif nazirlik və dövlət idarəsinin mətbuat xidmətlərinin rəhbərləri iştirak edir.

Tədbirdə giriş sözü ilə çıxış edən ATƏT-in Bakı Ofisinin Demokratikləşmə Şöbəsinin rəhbəri, xanım Jaklin Karpenter bu seminarın bu qəbildən olan ikinci tədbir olduğunu, ilk seminarın ötən ilin dekabrında keçirildiyini xatırladıb. J. Karpenter bu cür tədbirlərin hökumət qurumları və KİV arasında əməkdaşlığın gücləndirilməsinə xidmət etdiyini bildirib.

Prezident Administrasiyası ictimai-siyasi məsələlər şöbəsinin mətbuat və informasiya orqanları ilə iş sektorunun müdiri Vüqar Əliyev 2005-ci ildə qəbul olunmuş “İnformasiya əldə etmək haqqında” qanunun standartlara tam cavab verdiyini, qanunun informasiya sahibləri və cəmiyyət arasında münasibətlərin tənzimlənməsində mühüm rol oynadığını deyib. Sektor müdiri qanunun qəbulundan sonra dövlət və hökumət strukturlarının mətbuatla fəaliyyətində mühüm dəyişikliklərin baş verdiyini, mətbuat xidmətlərinin işinin xeyli təkmilləşdiyini, internet resurslarının yaradıldığını vurğulayıb. O, bununla belə, heç də bütün dövlət strukturlarının internet resursu yaratmadığını, bu ilin davam etdiyini diqqətə çatdırıb: “Təbii ki, bu sahədə vəziyyətin ideal olduğunu söyləmək mümkün deyil. Bununla belə, informasiya təminatının şəffaflığı üçün lazımi işlər görülür. Əsas odur ki, dövlətin bu istiqamətdə siyasi iradəsi var”.

ATƏT-in media azadlığı üzrə nümayəndəsi Ofisinin baş məsləhətçisi Aleksandr Boldırev qurumun media azadlığı üzrə keçmiş nümayəndəsi Mikloş Haraştinin Azərbaycanın xarici işlər naziri Elmar Məmmədyarovla görüşündə bu cür tədbirlərin keçirilməsi barədə razılıq əldə olunduğunu diqqətə çatdırıb. O, məqsədin hökumət-KİV münasibətlərinin tənzimlənməsinə töhfə vermək olduğunu söyləyib. A. Boldırev qarşılıqlı fəaliyyət zamanı həm dövlət və hökumət orqanlarının, həm də KİV-in üzərinə müəyyən vəzifələr düşdüyünü qeyd edib.

Seminarda yerli və beynəlxalq ekspertlər iştirakçılara hökumət-KİV münasibətlərinə dair yerli və beynəlxalq qanunlar, ATƏT məkanında KİV-in informasiya təminatı və mətbuatla işin təkmilləşdirilməsi haqqında məlumat veriblər. Azərbaycanda KİV-in vəziyyəti və hökumət idarələri ilə jurnalistlər arasında əməkdaşlığın təkmilləşdirilməsi yolları da müzakirə mövzusu olub.

Seminar sabah başa çatacaq.

media_hökumət

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO