Media nümayəndələri üçün insan hüquqlarına dair praktik seminar təşkil edilib

Media nümayəndələri üçün insan hüquqlarına dair praktik seminar təşkil edilib
# 24 aprel 2010 13:31 (UTC +04:00)
Bakı – APA. BMT-nin İnsan Hüquqları üzrə Ali Komissarlığı tərəfindən Quba rayonunda media nümayəndələri üçün insan hüquqlarına dair praktik seminar təşkil edilib. Ombudsman Aparatından APA-ya verilən məlumata görə, seminara bir sıra dövri mətbuat orqanlarının, informasiya agentliklərinin, televiziya və radio kanallarının, jurnalist təşkilatlarının nümayəndələri qatılıb. İnsan Hüquqları üzrə Müvəkkil Aparatının Elmi-analitik sektorunun müdiri Zaur Əliyev və Hüquqi maarifləndirmə sektorunun əməkdaşı Faiq Ağayev də seminarda iştirak ediblər.

Ekspert qismində çıxış edən Z. Əliyev “BMT insan hüquqları sistemi: saziş qurumları, Azərbaycanın BMT konvensiyaları üzrə beynəlxalq öhdəlikləri” və “İfadə azadlığı: Mülki və siyasi hüquqlar haqqında Beynəlxalq Pakt, BMT-nin xüsusi məruzəçiləri, şikayətlərin təqdim edilməsi prosedurları” mövzularında çıxışlar edib.

Seminarda KİV təmsilçilərinin, o cümlədən insan hüquqları mövzusunda yazan jurnalistlərin peşə hazırlığının yüksəldilməsi, onların hüquqi biliklərinin artırılması məqsədlə müvəkkilin keçirdiyi treninq-seminarlar, hüquqi maarifləndirmə tədbirləri, habelə mətbuat konfransları və brifinqlər barədə məlumat verilib, jurnalistlərin sualları ətraflı cavablandırılıb.
#
#

ƏMƏLİYYAT İCRA OLUNUR