Media

Ana səhifə

Media

Media İdarəçiliyi Məktəbinin jurnalistika və media idarəçiliyi üzrə magistr proqramına tələbə qəbulu aparılır

09 iyun 2010 10:11 (UTC +04:00)

Bakı. Viktoriya Dementyeva - APA. Xəzər Universiteti Gürcüstanın İctimaiyyətlə Əlaqələr İnstitutu və ABŞ-ın Azərbaycandakı səfirliyi ilə birgə Qafqaz Jurnalistika və Media İdarəçiliyi Məktəbinin jurnalistika və media idarəçiliyi üzrə magistr proqramına tələbə qəbulu aparır. ABŞ-ın Azərbaycandakı səfirliyindən APA-ya verilən məlumata görə, Azərbaycandan seçiləcək 4 tələbə 2010-2012 tədris ilində Bakıda və Tiflis şəhərində təhsil alacaq.

Jurnalistika üzrə dərslər ABŞ, Avropa Birliyi, Gürcüstan və Azərbaycandan olan müəllimlər tərəfindən aparılacaq. Adı çəkilən məktəbin müəllim heyəti və tədris planı mərkəzi Vaşinqton şəhərində yerləşən “Jurnalistlər üçün Beynəlxalq Mərkəz” və Luiziana Universitetinin Manşip Məktəbi ilə birgə hazırlanıb. Bu proqram Açıq Cəmiyyət İnstitutunun əlavə yardımı ilə ABŞ Dövlət Departamenti tərəfindən maliyyələşdirilir.

Hər il region ölkələrində peşəkar jurnalistlər və digər ixtisaslar üzrə ali təhsili olanlar arasından 25 tələbə müsabiqə yolu ilə bu proqram üzrə təhsil almaq üçün seçilir. Tədris ingilis və Azərbaycan dillərində aparılır. Proqram 2010-cu ilin oktyabrından 2012-ci ilin may ayınadək olmaqla dörd semestri əhatə edəcək. Sənədərin qəbulu üçün son müddət 2010-cu il sentyabrın 1-dir.