USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

“Stratfor”un prezidenti APA-da olub

11 iyun 2010 17:11 (UTC +04:00)

APA-nın baş direktoru Vüsalə Mahirqızı ilə keçirilən görüşdə “Stratfor”la APA arasında mövcud əməkdaşlıqdan söhbət açılıb. C. Fridman artıq 1 ilə yaxındır ki, rəhbərlik etdiyi qurumun APA ilə əməkdaşlıq etdiyini və bu əməkdaşlıqdan razı qaldığını diqqətə çatdırıb: “Bizim nümayəndəmiz təxminən 1 il əvvəl Azərbaycanda səfərdə olanda əməkdaşlıq üçün məhz nüfuzlu APA agentliyini təklif etmişdi. Həmin vaxt biz onun təklifini dəyərləndirdik və əməkdaşlığa başladıq. Əməkdaşlığımız göstərdi ki, seçimimizdə yanılmamışıq. APA bizə çox köməklik göstərir. Biz də öz növbəmizdə, qarşılıqlı əməkdaşlığa töhfəmizi verməyə hazırıq”.

C. Fridman “Startfor”un əsas prioritetlərinin Rusiya, İran, Türkiyə, Cənubi Qafqaz və Asiya ölkələri olduğunu qeyd edərək, sözügedən ölkələr və ümumilikdə region haqqında məlumat toplamaqdan APA-nın xidmətlərindən yararlandıqlarını, dolğun informasiya əldə etdiklərini vurğulayıb. O, Azərbaycanın ABŞ-da çox az tanındığını söyləyib, bu problemin aradan qaldırılması üçün çox işləməyin lazım gəldiyini vurğulayıb. Qonaq ABŞ-a qayıtdıqdan sonra analitik məqalə hazırlayacağını, Azərbaycanda gördükləri, apardığı müşahidələr, keçirdiyi görüşlərə məqalədə ətraflı yer verəcəyini deyib.

APA-nın baş direktoru V. Mahirqızı da “Straftor” kimi nüfuzlu analitik mərkəzlə əməkdaşlığın mühüm əhəmiyyət kəsb etdiyini deyib. APA-nın “Straftor”un hazırladığı analitik materiallardan yararlandığını qeyd edən V. Mahirqızı əməkdaşlıqdan razı qaldığını söyləyib: “Biz bu əməkdaşlıqdan məmnunuq. Ancaq əlaqələri daha da genişləndirmək üçün lazımi potensialdan səmərəli istifadə olunmalıdır. Məsələn, biz “Stratfor”u maraqlandıran mövzular üzrə analitik materiallar, eləcə də nüfuzlu politoloqlardan müsahibələr hazırlaya bilərik. Bundan başqa, birgə tədbirlərin təşkili, mütəxəssislərin təcrübə mübadiləsi də mümkündür. Ümid edirəm ki, əməkdaşlığımızın davamında bu məsələlər də həllini tapacaq”.

Tərəflər ABŞ-Azərbaycan münasibətləri, regiondakı vəziyyət və qarşılıqlı maraq doğuran digər məsələləri müzakirə ediblər.

Görüşdə “Stratfor”un vitse-prezidenti Meredit Fridman və APA-nın baş direktorunun 1-ci müavini Nurşən Quliyev də iştirak edib.

Corc_Fridman

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO