USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

«Diaspor məsələlərinin kütləvi informasiya vasitələrində işıqlandırılması» mövzusunda müsabiqənin nəticələri açıqlanıb

17 iyul 2010 09:43 (UTC +04:00)

Bakı. Elnur Məmmədli – APA. Azərbaycan Mətbuat Şurası, Diasporla İş üzrə Dövlət Komitəsi və Novosibirskdə fəaliyyət göstərən Heydər Əliyev adına Beynəlxalq Azərbaycan Forumunun birgə elan etdiyi «Diaspor məsələlərinin kütləvi informasiya vasitələrində işıqlandırılması» mövzusunda müsabiqənin nəticələri açıqlanıb.

APA-nın məlumatına görə, bununla bağlı keçirilən tədbirdə çıxış edən Mətbuat Şurasının sədri Əflatun Amaşov qarşıdan Azərbaycan Milli Mətbuatının 135 illik yubileyinin gəldiyini xatırladaraq, Həsən bəy Zərdabinin də digər ölkələrdə yaşayan müsəlmanlarla bağlı yazılar yazdığını və bunun özünün də diasporun inkişafı istiqamətində atılan addım olduğunu deyib. Ə.Amaşov Azərbaycan mətbuatının diaspor məsələlərinə ciddi şəkildə müraciət etmədiyini və həmçinin məqalələrin, araşdırmaların sistemsiz olduğunu bildirərək, bu problemin aradan qaldırılması üçün Diasporla İş üzrə Dövlət Komitəsi ilə birgə müsabiqə elan edildiyini qeyd edib. O, bu il ərzində mətbuatda diaspora ilə bağlı 700-ə yaxın yazının dərc edildiyini bildirib.

Dövlət Komitəsinin nümayəndəsi Nəriman Qurbanov bildirib ki, xarici ölkələrdə yaşayan azərbaycanlıların həm problemləri, həm də nailiyyətləri mətbuatda işıqlandırılır. O, mətbuatla əməkdaşlığın komitənin əsas istiqamətlərindən biri olduğunu vurğulayıb. N.Qurbanov müsabiqəyə təqdim olunan məqalələri yüksək qiymətləndirib və hətta onların içərisində komitənin fəaliyyətinə istiqamət verə biləcək məqamların olduğunu da vurğulayıb.

Novosibirskdə fəaliyyət göstərən Heydər Əliyev adına Beynəlxalq Azərbaycan Forumunun təsisçisi Mirkazım Seyidov da müsabiqənin nəticələrini yüksək qiymətləndirib.

Tədbirdə qalib gələn jurnalistlərə mükafatlar təqdim olunub.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO