Media

Ana səhifə

Media

APA qrup işə qəbulla bağlı müsabiqə elan edir

07 sentyabr 2010 06:28 (UTC +04:00)

Müsabiqədə iştirak etmək istəyənlər sentyabrın 20-nə qədər CV-lərini APA-nın mərkəzi ofisinə təqdim etməlidirlər.

Müsabiqə elan olunan vakant yerlər:

1. “APA-Economics” üçün müxbir ştatı. Müraciət edənlərdən mətbuatda minimum 3 illik iş stajı, Azərbaycan və rus dillərini mükəmməl bilmək tələb olunur. Sənaye-energetika sahəsində ixtisaslaşmış jurnalistlərə daha çox üstünlük veriləcək.

2. Fotoqraf. Mətbuatda minimum iki illik iş təcrübəsinin olması, nizam-intizam qaydalarına və normal iş qrafikinə ciddi əməl etməsi tələb olunur.

3. Xüsusi tapşırıqlar üzrə müxbir. Mətbuatda ən azı 3 illik iş təcrübəsinin olması, xüsusi proyektlər, layihələrlə bağlı təkliflər verməsi, fərqli yazı üslubuna və texnikasına malik olması, operativliyə əməl etməsi tələb olunur.

Müsabiqədə iştirak edəcək şəxslərin CV-ləri ilə yanaşı, sahələri üzrə yaradıcılıq nümunələrini də redaksiyaya təqdim etmələri xahiş olunur.

Əmək haqqı yüksəkdir.

Müsabiqəyə CV-lərini təqdim edənlər arasından seçilmiş şəxslər redaksiyaya dəvət olunaraq, onlarla fərdi müsahibə aparılacaq. Müsahibədən keçən şəxslər üçün iki həftəlik sınaq müddəti elan ediləcək. Bu sınaqdan keçmiş şəxslər isə işə qəbul olunacaqlar.

Müsabiqədə iştirak etmək istəyənlər CV-lərini APA-nın mərkəzi ofisinə (Zərifə Əliyeva küçəsi, 27) təqdim edə və ya [email protected] ünvanına göndərə bilərlər.

Maraqlananlar ətraflı məlumat üçün APA-nın kadrlar şöbəsinin müdiri Səidə Hacıyeva ilə əlaqə saxlaya bilərlər.

Əlaqə telefonları: + 99 412 596 33 57/58
[email protected]