USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

Mətbuat Şurasının Şikayətlər üzrə Komissiyasının iclası keçirilib

26 oktyabr 2010 14:03 (UTC +04:00)

Bakı-APA. Azərbaycan Mətbuat Şurasının (MŞ) Şikayətlər üzrə Komissiyasının iclası keçirilib. Şuradan APA-ya verilən məlumata görə, MŞ sədrinin müavini Müşfiq Ələsgərlinin başçılıq etdiyi komissiya 4 məsələni araşdıraraq müvafiq rəylər çıxarıb. İclasda əvvəlcə “İRƏLİ” İctimai Birliyinin sədri Ceyhun Osmanlının «Azadlıq» və «Yeni Müsavat» qəzetləri ilə bağlı müraciətinə baxılıb. Komissiya iddiaçının «Azadlıq» qəzetinə qarşı şikayətini müzakirə edərkən belə rəyə gəlib ki, nəşr narazılıq doğuran yazıda qarşı tərəfin mövqeyini nəzərə almayıb, bununla da «Azərbaycan Jurnalistlərinin Peşə Dapranışı Qaydaları»nın müvafiq prinsipini pozub. KİV-ə qarşıdakı fəaliyyətində belə məsələlərə münasibətdə həssas olmağı tövsiyə edilib.

Komissiya «Yeni Müsavat» qəzetinin Ceyhun Osmanlının «Facebook» səbəkəsində yer alan fikirlərini səhifəsinə çıxartdığını və eyni materialda buna münasibət də öyrəndiyini nəzərə alıb. Bununla belə, seçki dövrü olduğundan konkret namizədlə bağlı yazıda qəzetin onun özünə də istinadının vacibliyi vurğulanıb və nəşrə bu barədə tövsiyə verilməsi rəyinə gəlinib.

Komissiya «bolgexeber.az» saytı ilə əlaqədar şikayəti araşdıraraq belə rəyə gəlib ki, sözügedən sayt Sabirabad Rayon Əhalinin Sosial Müdafiəsi Mərkəzi barədə araşdırılmamış material dərc edib: “Həmin materialda şərəf və ləyaqətin təhqirinə, işgüzar nüfuzun aşağılanmasına yönələn fikirlər yer alıb. Mövcud olmayan şəxsə istinadən tənqidi fikirlər verilib. İclasda saytın fəaliyyətində peşə prinsipləri ilə bir araya sığmayan digər məqamların mövcudluğu da vurğulanıb”. Sayta MŞ-nin ilkin xəbərdarlığı edilib və məsələ ilə əlaqədar şikayətçi tərəfin mövqeyini dərc etməsi, ondan üzr istəməsi tövsiyə olunub.

«Milli qəhrəmanlar» qəzetinin «Milli qəhrəmanlar zirvəsi» qəzetinə qarşı şikayətinə baxılarkən burada plagiat əlamətlərinin olduğu müəyyənləşdirilib. Belə ki, ikinci mətbu nəşrdəki «zirvəsi» sözü çətinliklə seçiləcək səviyyədə təqdim olunur. Bununla yanaşı, orada gedən bir sıra materiallarda qəzetin adı yanlışlıqla «Milli qəhrəmanlar» kimi göstərilib. Məsələ ilə bağlı fikirlərini bölüşən «Milli qəhrəmanlar zirvəsi» qəzetinin rəhbərliyi iradlarla razılaşaraq bu cür halların aradan qaldırılacağını bildirib.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO