USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

KİVDF-nin təşkilatçılığı ilə Azərbaycanın bir qrup mətbuat nümayəndəsi İstanbulda səfərdədir – FOTOSESSİYA

KİVDF-nin təşkilatçılığı ilə Azərbaycanın bir qrup mətbuat nümayəndəsi İstanbulda səfərdədir – <font color=red>FOTOSESSİYA </font>

27 oktyabr 2010 12:47 (UTC +04:00)

Bakı-APA. Oktyabrın 25-də Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun təşkilatçılığı ilə bir qrup KİV nümayəndəsi qardaş Türkiyə Cümhuriyyətinə səfər edib. Fondun mətbuat xidmətindən APA-ya verilən məlumata görə, media mənsubları elə həmin gün İstanbul şəhərindəki Heydər Əliyev adına parkda ümummilli liderin büstünü ziyarət ediblər. Ziyarətdə Azərbaycanın İstanbuldakı baş konsulu Həsən Zeynalov da iştirak edib. Sonra nümayəndə heyəti səfər proqramı çərçivəsində “Star” qəzetinin redaksiyası ilə tanış olub. Azərbaycanın nüfuzlu qəzet redaktorları və jurnalist qurum rəhbərlərindən ibarət olan heyəti “Star” qəzetinin məsləhətçisi İbrahim Kiras qarşılayıb və qəzetin yaranma tarixi, fəaliyyəti, Türkiyə mətbuatı haqqında ətraflı məlumat verib. Azərbaycan Prezidenti yanında KİVDF-nin icracı direktoru Vüqar Səfərli səmimi qəbul üçün nümayəndə heyəti adından təşəkkür edib. O bildirib ki, bu, fondun təşkilatçılığı ilə jurnalist qrupun xarici ölkəyə ilk səfəridir və bu səfər məhz qardaş Türkiyədən başlayıb. Məqsəd isə Türkiyə qəzetçilərinin, ümumiyyətlə mediasının təcrübəsini öyrənmək, bu təcrübəni Azərbaycanda tətbiq etmək, gələcəkdə əlaqələrin daha da inkişaf etdirilməsi üçün Türkiyə kütləvi informasiya vasitələrinin nümayəndələrini Azərbaycana dəvət edib qarşılıqlı əməkdaşlığl gücləndirməkdir.

Sonra Vüqar Səfərli fondun bir illik fəaliyyəti haqqında məlumat verərək qurumun KİV-in inkişafına göstərdiyi xidmətlərdən danışıb. Nümayəndə heyəti “Zaman-media” qrupu ilə də görüşüb, onların iş şəraiti, gündəlik fəaliyyəti, iş prinsipiləri ilə tanış olublar. “Cihan” informasiya agentliyinin baş direktoru Abdulhamit Bilici ilə görüşən nümayəndə heyətinə informasiya agentliyi, agentliyin iş üslubu, strukturu haqqında ətraflı məlumat verilib.
Oktyabrın 26-da isə nümayəndə heyəti Baş Bakanlık yanında Mətbuat və İnformasiya İdarəsinin İstanbul şöbəsinin yetkilisi Nəciməttin Altunbasla görüşüb.

Səfər proqramı çərçivəsində Qəzetəçilər və Yazarlar Fondunda dəyirmi masa da keçirilib. Tədbirdə Azərbaycan və Türkiyə əlaqələrinin inkişafında KİV-in görə biləcəyi işlərin, medianın üzərinə düşən vəzifələrin müzakirəsi aparılıb. Dəyirmi masada Qəzetəçilər və Yazarlar Fondunun sədri Mustafa Yeşil, Dialoq Avrasiya Platformasının baş katibi İsmayıl Taş, Medialoq Platformasının baş katibi Erkam Tufan Aytav, “Bu gün” qəzetinin yazarı Camal Usaq, “Todays Zaman” qəzetinin baş redaktoru Bülent Kenes, “Samanyolu”da proqram yapımcısı Faruk Mərcan, Azərbaycan nümayəndə heyətindən Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli, “525-ci qəzet”in baş redaktoru Rəşad Məcid, “Olaylar” qəzetinin baş redaktoru Yunus Oğuz, “Ekspress” qəzetinin təsisçisi Müşfiq Səfiyev, “Bakı-xəbər” qəzetinin baş redaktoru Aydın Quliyev, “Palitra” qəzetinin baş redaktoru Namiq Əliyev, Azərbaycan Jurnalist Qadınlar Assosiasiyasının rəhbəri Sevil Yusifova, Dialoq Avrasiya Platformasının Azərbaycan üzrə koordinatoru Mustafa Saatçı istirak ediblər. Tədbirdə hər iki ölkənin media mənsublarının əlaqələrinin daha da inkişaf etdirilməsi üçün müvafiq təkliflər müzakirə edilib. Azərbaycan KİV nümayəndə heyətinin İstanbuldakı görüşləri oktyabrın 28-nədək davam edəcək.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO