Media

Ana səhifə

Media

İTV Yayım Şurasına namizədlər irəli sürülüb

04 mart 2011 15:33 (UTC +04:00)

APA-nın məlumatına görə, iclasda İctimai Televiziya və Radio Yayımları Şirkəti Yayım Şurasının üzvlüyünə namizədlikləri irəli sürülmüş şəxslərin təyin edilməsi məsələsinə baxılıb.

Komitə sədri Nizami Cəfərov bildirib ki, “İctimai televiziya və radio yayımı haqqında” qanuna uyğun olaraq İctimai Televiziya və Radio Yayımları Şirkətinin Yayım Şurasına Azərbaycan Həmkarlar İttifaqları Konfederasiyası, Milli Elmlər Akademiyası və Mətbuat Şurası tərəfindən irəli sürülmüş namizədlərin 6 illik səlahiyyət müddəti bu il martın 15-də başa çatır.

Komitə sədri məlumat verib ki, Həmkarlar İttifaqları Konfederasiyasından sədr müavini Aqil Dadaşov, şöbə müdirinin müavini Əli Cəfərov, Milli Elmlər Akademiyasından Folklor institutunun şöbə müdiri Muxtar İmanov, Mətbuat Şurasından Bakı Dövlət Universitetinin jurnalistika fakültəsinin professoru Cahangir Məmmədli, həmin fakültənin dosenti Zaur Babayev Yayım Şurasına yeni namizəd kimi irəli sürülüb. Bu namizədlərdən hər təşkilatdan bir nəfər olmaqla 6 il müddətinə Yayım Şurasına təsdiqlənməlidir.

Komitə üzvləri müzaikrələrdən sonra məsələni parlamentin plenar iclasına tövsiyə ediblər.

Qeyd edək ki, iclasda millət vəkili Rəfael Heseynovun hazırladığı “Azərbaycanda muğam sənətinin qorunması və inkişafı haqqında” yeni qanun layihəsi də müzakirə olunub.