USD 1.7

Bakı 21 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Media

Media

Azərbaycan Mətbuat Şurasının sədri Türkiyədə jurnalistlərin kütləvi həbsinə münasibət bildirib

14 mart 2011 16:52 (UTC +04:00)

Bakı - APA. «Azərbaycan və Türkiyə dövlətlərarası əlaqələrdə olduğu kimi, media sahəsində də sıx münasibətlərdədir. Buna görə də son zamanlar Türkiyədə jurnalistlərin keçirdikləri etiraz aksiyaları bizdə narahatlıq doğurur». Bunu Mətbuat Şurasının sədri Əflatun Amaşov İstanbulda iri media qurumlarının keçirdikləri yürüş-mitinqlə bağlı APA-ya açıqlamasında deyib. Qeyd edək ki, dünən İstanbulda Türkiyə Qəzetəcilər Cəmiyyəti, Türkiyə Qəzetəcilər Sindikatı, Türkiyə Spor Yazarları Dərnəyi, Çağdaş Qəzetəcilər Dərnəyi və digər media təşkilatlarının təşəbbüsü ilə yürüş-mitinq təşkil olunub. Həbsdə olan jurnalistlərin azadlığa buraxılmalarını tələb edən aksiyaçılar söz, mətbuat və ifadə azadlıqları ilə bağlı şüarlar səsləndirərək hökumətin mövcud sahədəki fəaliyyətini pisləyiblər.

Ə. Amaşov «Ergenekon»la bağlı Türkiyədə çoxsaylı jurnalistin həbsə atıldığını bildirib: «Ergenekon» Türkiyə cəmiyyətinə böyük təsir göstərən olaydır. Mən deyərdim ki, prosesdir. Jurnalistika da cəmiyyətin aktiv hissəsi kimi həmin prosesin istər-istəməz içərisindədir. Bu, eyni zamanda siyasiləşmiş məsələ olduğundan, onun müxtəlif təsirlərinin mediada da hiss olunması labüddür. Bu mənada saxlanılan jurnalistlərin doğrudan da «Ergenekon»la bağlılıqlarının olub-olmadığını söyləmək çətindir. İstənilən bir cəmiyyətdə çoxsaylı qələm sahibinin həbsə atılması mənfi effekt yaradan hadisədir. Türkiyə dövləti bunu nəzərə almalıdır».

MŞ sədri Türkiyədə media sahəsindəki durumla bağlı məlumat verərkən jurnalistlərin etirazlarına əsas verən digər cəhətlərə də toxunub. O bildirib ki, yalnız 2009-cu ildə bu ölkədə 30-a yaxın jurnalist həbsdən azad edilsə də, onlar barəsindəki məhkəmə çəkişmələri hələ də davam etməkdədir. Son illərdə 100-ə yaxın qələm sahibinin bu və ya digər şəkildə həbs edildiyini xatırladan Ə. Amaşov hazırda 70-ə yaxın media təmsilçisinin məhbus həyatı yaşadığını vurğulayıb: «Əldə etdiyimiz məlumatlara görə, Türkiyə məhkəmələrində olan işlərdə 150-ə yaxın jurnalistin həbsə atılmaq təhlükəsi var. Kütləvi informasiya vasitələrinin nümayəndələrinin iştirakı ilə 2000-dən çox məhkəmə prosesinin keçirildiyi barədə də xəbərlər yayılıb».

Şura sədri bütün bunların da ciddi narazılıqlar üçün əsaslar yaratdığını önə çəkib.

İDMAN XƏBƏR

Media

“IV Divar” serialı bu gündən etibarən AzTV-də! - <span class="red_color">VİDEO