Media

Ana səhifə

Media

Mətbuat Şurası mətbuatın iqtisadi imkanlarının yaxşılaşdırılmasına dair təkliflərini Prezident Administrasiyasına təqdim edib

03 may 2011 11:23 (UTC +04:00)

APA-nın məlumatına görə, bunu Mətbuat Şurasının sədri Əflatun Amaşov deyib. Bununla bağlı Türkiyə təcrübəsini öyrəndiklərini söyləyən Ə. Amaşov bildirib ki, dövlət reklamları siyasi mövqeyindən asılı olmayaraq KİV-də yerləşdirilməlidir: “Biz təkliflərimizi Prezident Adminstrasiyasına təqdim etmişik. Yəqin ki, yaxın vaxtlarda müvafiq qərarlar qəbul ediləcək”.

Ə. Amaşov on-line medianın inkişafının dəstəklənməsi sahəsində də müəyyən işlərin görüldüyünü vurğulayıb. Onun sözlərinə görə, Azərbaycanda internet mediasına heç bir maneə yoxdur: “Azərbaycanda vətəndaşlar sərbəst şəkildə sosial şəbəkələrdən istifadə edir, bloqlar yaradır. Mətbuat Şurası may ayının sonlarında Bakıda internet mediasına həsr olunmuş konfrans keçirməyi planlaşdırır”.

On-line mediaya nəzarət məsələsinə gəlincə, Ə. Amaşov bunun mümkün olmadığını qeyd edib: “Onların yerləşdiyi serverlərin əksəriyyəti ölkədən kənardadır. Bir neçə internet portalı Mətbuat Şurasının üzvüdür. Onlardan da bəzən bizə şikayətlər daxil olur. Əgər etik qaydaların pozulması ilə bağlı şikayətlər olursa, biz iradlarımızı çatdırırıq”.

Ə. Amaşov Mətbuat Şurasının nəzdində on-line KİV rəhbərlərindən ibarət bir qrupun yaradılmasının nəzərdə tutulduğunu da açıqlayıb.

mətbuat_şura