Media

Ana səhifə

Media

Nuşirəvan Məhərrəmli: “Arzuolunmaz halların baş verməməsi üçün internetin hansısa formada tənzimlənməsi lazımdır”

19 mart 2012 14:11 (UTC +04:00)

Bu barədə APA-ya Milli Televiziya və Radio Şurasının (MTRŞ) sədri Nuşirəvan Məhərrəmli internetdə şəxsi həyatla bağlı yayılan görüntülərə münasibət açıqlayarkən bildirib.

Onun sözlərinə görə, internetin müsbət cəhətləri həddən artıq çoxdur: “Amma bu böyük texniki nailiyyətin böyük də problemləri var. O problemlər üzə çıxdıqca cəmiyyət ona qarşı, onun həll olunması yolunu axtaracaq. Buna görə də hesab edirəm ki, internetdə belə arzuolunmaz halların baş verməməsi üçün onun hansısa formada tənzimlənməsi lazımdır”.

Şura sədri deyib ki, internetin tənzimlənməsi ilə bağlı “Teleradio yayımı” haqqında qanunda MTRŞ-nın üzərinə hər hansı məsuliyyət qoyulmayıb: “Amma sadəcə televiziyanın yayılma üsullarından biri də internetdir. O baxımdan əgər televiziya kanalları internet vasitəsi ilə yayımlanacaqlarsa, təbii ki, digər televiziyalara qoyulan tələblər internet televiziyalarının üzərinə də qoyulmalıdır. İnternet televiziyaları getdikcə artır. Amma bunların əksəriyyəti həvəskar, daha çox musiqi və xəbərlər üzərində köklənmiş televiziyadır”.

Xədicə