“İnformasiya əldə etmək haqqında”, “Hüquqi şəxslərin dövlət qeydiyyatı və dövlət reyestri haqqında” və “Kommersiya sirri haqqında” qanun layihələrinə həsr edilmiş tədbir keçirilib

“İnformasiya əldə etmək haqqında”, “Hüquqi şəxslərin dövlət qeydiyyatı və dövlət reyestri haqqında” və “Kommersiya sirri haqqında” qanun layihələrinə həsr edilmiş tədbir keçirilib
# 11 iyun 2012 12:02 (UTC +04:00)
Bakı. Ramil Məmmədli - APA. Milli Məclisdə müzakirəyə çıxarılacaq “İnformasiya əldə etmək haqqında”, “Hüquqi şəxslərin dövlət qeydiyyatı və dövlət reyestri haqqında” və “Kommersiya sirri haqqında” qanun layihələrinin müzakirəsinə həsr edilmiş tədbir keçirilib.

APA-nın məlumatına görə, Media Hüququ İnstitutunun direktoru Rəşid Hacılı iyunun 12-də müzakirəyə çıxarılacaq qanunlarda qane etməyən məqamlar haqında danışıb. O, qanunların bu şəkildə qəbulunun hökumətin də imicinə mənfi təsir edəcəyini qeyd edib.

Politoloq İlqar Məmmədov qanunun bu şəkildə qəbulunun məsələyə siyasi prizmadan yanaşılması kimi xarakterizə edib. O, vətəndaş cəmiyyəti təşkilatlarını, media nümayəndələrini buna etiraz etməyə çağırıb.

Tədbirdə çıxış edən jurnalist Xədicə İsmayılova, Reportyorların Azadlığı və Təhlükəsizliyi İnstitutunun rəhbəri Emin Hüseynov, “Azadlıq” qəzetinin redaktoru Rövşən Hacıbəyli, “Turan” İnformasiya Agentliyinin direktoru Mehman Əliyev, media üzrə ekspertlər Ələsgər Məmmədli, Zöhrab İsmayıl və digərləri qanun layihələrinin Azərbaycanın qoşulduğu beynəlxalq konvensiyalara və konstitusiyaya zidd olduğunu söyləyiblər.

Sonda tədbir iştirakçıları adından bəyanatda qəbul edilib.
#
#

ƏMƏLİYYAT İCRA OLUNUR