Media

Ana səhifə

Media

Bakıda beynəlxalq “Neft, qaz və media” konfransı keçiriləcək - FOTO

Bakıda beynəlxalq “Neft, qaz və media” konfransı keçiriləcək - <font color=red>FOTO</font>

14 iyun 2012 11:00 (UTC +04:00)

Bu barədə APA-ya BMİ-nin Azərbaycan Milli Komitəsinin informasiya departamentindən bildirilib. BMİ-nin Azərbaycan Milli Komitəsinin və konfransa hazırlıq üzrə təşkilat komitəsinin rəhbəri Umud Rəhimoğlu bu mötəbər tədbirə dünyanın əksər ölkələrindən 200-ə yaxın jurnalistin qatılacağının gözlənildiyini deyib. Artıq konfransla bağlı ətraflı məlumatların yer aldığı www.ipioilgasmedia2012.com saytı da fəaliyyətə başlayıb.

Onun sözlərinə görə, onların sırasında müxtəlif neft-qaz istehsalçısı olan ölkələrinin dövlət rəsmiləri, dünyanın bu sahədə aparıcı şirkətlərinin, beynəlxalq təşkilatlarının nümayəndələri, çox nüfuzlu media mütəxəssisləri, ekspertləri də olacaq. Bütün bunlarla yanaşı Azərbaycanın bu sahədəki aparıcı mütəxəssisləri, ekspertləri və jurnalistləri də konfransın işində iştirak edəcək. Konfransın məqsəd və vəzifələrindən danışan U.Rəhimoğlu bu konfransı keçirməkdə əsas məqsədlərinin azad mediada neft və qazın rolunu müəyyənləşdirmək, neft-qaz sahəsində yazan jurnalistlərlə enerji partnyorları arasında əlaqələrin inkişaf etdirilməsi, enerji istehsalçı olan dövlətlərin birgə səyi ilə mütərəqqi medianın inkişafını asanlaşdırmaqdan ibarət olduğunu vurğulayıb.

Konfrans ARDNŞ və digər qurumların dəstəyi ilə keçiriləcək. Artıq konfransın keçirilməsi ilə bağlı BMİ-nin baş ofisinin katibliyinin, Azərbaycan Milli Komitəsi üzvlərinin və müvafiq dövlət strukturlarının nümayəndələrinin qatıldığı təşkilat komitəsi yaradılıb. Konfransla bağlı ayrıca sayt hazırlanıb, onun üzərində son tamamlama işləri aparılır, tədbirin proqramının da ilkin variantı tərtib olunub. Bu mötəbər tədbirdə dünyanın ən nəhəng qəzet və jurnallarının rəhbərləri, nümayəndələri iştirakı razılaşdırılıb. Bunların sırasında “The New York Times”, “The Guardian”, “Reuters”-ın nümayəndələri də var.

Qeyd olunub ki, tədbirə BMİ-nin Azərbaycandakı əsas tərəfdaşlarından biri olan Beynəlxalq Avrasiya Mətbuat Fondu təşkilati, APA və Trend informasiya agentlikləri isə informasiya dəstəyi verəcək.

neft _ qaz _ media