BDU-da Həsən bəy Zərdabinin 170 illik yubileyi ilə bağlı tədbir və “Universitetin dostu” mükafatının təqdimatı keçirilib

BDU-da Həsən bəy Zərdabinin 170 illik yubileyi ilə bağlı tədbir və “Universitetin dostu” mükafatının təqdimatı keçirilib
# 20 iyun 2012 12:19 (UTC +04:00)
Bakı. Etibar Məmmədov - APA. Bakı Dövlət Universitetində (BDU) Azərbaycan milli mətbuatının banisi Həsən Bəy Zərdabinin 170 illik yubileyi ilə bağlı tədbir və “Universitetin dostu” mükafatının təqdimat mərasimi keçirilib. APA-nın məlumatına görə, universitetin rektoru, akademik Abel Məhərrəmov Həsən bəy Zərdabinin 170 illik yubileyinin keçirilməsi ilə bağlı ölkə prezidentinin imzaladığı sərəncamın əhəmiyyətindən danışıb. Rektor qeyd edib ki, H. Zərdabi “Əkinçi” qəzetini nəşr etdirməklə milli mətbuatın, ədəbi-bədii fikrin əsasını qoyub.

A. Məhərrəmov kütləvi informasiya vasitələrində universitet haqqında dolğun və davamlı məlumatların ictimaiyyətə çatdırılmasında jurnalistlərin xidmətlərindən danışaraq, “Universitetin dostu” mükafatının məhz buna görə təsis edildiyini bildirib.
BDU-nun mətbuat və informasiya şöbəsinin müdiri Pərvanə İbrahimova mətbuat və informasiya şöbəsinin fəaliyyətindən, “Universitetin dostu” mükafatının təsis edilmə zərurətindən bəhs edib.

Sonra BDU haqqında obyektiv, dolğun və davamlı məlumatlar yaydıqlarına görə, bir sıra KİV rəhbərinə “Universitetin dostu” mükafatı təqdim edilib.

Eyni zamanda BDU haqqında obyektiv və davamlı yazılarına görə isə KİV nümayəndələri, həmçinin APA İnformasiya Agentliyinin əməkdaşı fəxri fərman və hədiyyəyə layiq görülüb.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR