Media

Ana səhifə

Media

Bakıda “Ənənəvi mediadan online mediaya keçid” mövzusunda konfrans keçirilir - FOTOSESSİYA

Bakıda “Ənənəvi mediadan online mediaya keçid” mövzusunda konfrans keçirilir - <font color=red>FOTOSESSİYA</font>

17 iyul 2012 08:52 (UTC +04:00)

APA-nın məlumatına görə, tədbir Avropa Şurası, Avropa İttifaqı, Azərbaycan Mətbuat Şurası, ATƏT-in Bakı Ofisi və Böyük Britaniyanın Azərbaycandakı səfirliyinin dəstəyi ilə baş tutub.

Konfransın açılış mərasimində çıxış edən Mətbuat Şurasının sədri Əflatun Amaşov bildirib ki, tədbirin keçirilməsində məqsəd ənənəvi və onlayn media sahəsində beynəlxalq təcrübəni bölüşməkdir. O, hazırda Azərbaycanda 40 gündəlik, 200 həftəlik qəzetin, 14 regional və kabel televiziyasının, 30-dan çox provayderin, bir sıra portalların fəaliyyət göstərdiyini, onlayn medianın inkişaf etdiyini, 1 milyondan çox Azərbaycan vətəndaşının “Facebook”, “Twitter” kimi sosial şəbəkələrdən istifadə etdiyini diqqətə çatdırıb.

Avropa Şurasının Azərbaycandakı nümayəndəliyinin siyasi məsələlər üzrə müşaviri Andrey Valentinov müasir demokratik cəmiyyətlərdə KİV və fikir azadlığının önəmini vurğulayıb. O qeyd edib ki, müasir reallıqlar, internetin inkişafı və yayılması onlayn KİV-in də geniş yayılmasına gətirib çıxarıb: “Onlayn KİV internetin geniş yayılması nəticəsində daha əlçatan vasitə olub. Bu yeni rəqəmsal reallığa uyğunlaşmaq vacibdir”. A. Valentinovun fikrincə, onlayn KİV ənənəvi KİV-i sıxışdırmamalı və onları tamamlamalıdır.

ATƏT-in Bakı ofisinin rəhbəri Koray Tarqay çıxışında əmin olduğunu bildirib ki, bu cür konfransların keçirilməsi ölkədə KİV-in inkişafına kömək edəcək.

Avropa Şurası baş katibinin Azərbaycandakı nümayəndəsi Konstantin Yerokostopulos da konfransın Azərbaycanda KİV sahəsində islahatların aparılmasına və təcrübə mübadiləsinə xidmət edəcəyini söyləyib.

Prezident Administrasiyasının İctimai-siyasi məsələlər şöbəsinin müdir müavini Ərəstun Mehdiyev deyib ki, bu konfransın Azərbaycanda Milli Mətbuat Günü ərəfəsində keçirilməsi çox aktualdır. O, dövlətin KİV-in inkişafına daim dəstək verdiyini vurğulayıb: “Demokratik cəmiyyətdə plüralist KİV-in formalaşması çox vacibdir. Ona görə də bu gün dünyada, o cümlədən Azərbaycanda kütləvi informasiya vasitələrinin çox önəmli yeri var”.

Ə. Mehdiyev ənənəvi KİV-ə dəstək verməyin, eləcə də elektron KİV-ə diqqət yetirməyin əhəmiyyətini qeyd edib.