Media

Ana səhifə

Media

Yeni Azərbaycan Partiyasının qərargahında Milli Mətbuat Günü ilə əlaqədar tədbir keçirilib

24 iyul 2012 10:36 (UTC +04:00)

APA-nın məlumatına görə, tədbirdə YAP-ın sədr müavini – icra katibi Əli Əhmədov, onun müavinləri Siyavuş Novruzov və Mübariz Qurbanlı iştirak ediblər.

Ə. Əhmədov jurnalistləri 22 iyul – Milli Mətbuat Günü münasibətilə təbrik edib. O, Azərbaycanda bütün sahələrdə olduğu kimi, KİV sahəsində də inkişaf getdiyini bildirib: “Mətbuat cəmiyyətin güzgüsüdür və əhəmiyyətli bir sahədir. Azərbaycanda müstəqil mətbuat, öz funksiyasını ləyaqətlə yerinə yetirən jurnalistlər var. Mətbuatda peşəkarlıq səviyyəsi 10-15 il əvvəl ilə müqayisədə daha da artıb. Bu səviyyə artmaqda davam edir.
Qəzetlər əvvəlki kimi dedi-qodu söhbətləri yox, daha çox real informasiyaları çatdırmaqla, ciddi təhlil yazıları hazırlamaqla məşğuldur. Düzdür, bəzən problemlər də olur. Məsələn, qəzetlərin satış probleminə rast gəlinir. Amma həyatda problemlər daim var. Yetər ki, həmin problemlər həll edilsin. Azərbaycan iqtisadiyyatı günü-gündən inkişaf edir. Bu, özünü mətbuat sahəsində də göstərir, bundan sonra da belə olacaq”.

Sonda Ə. Əhmədov bir qrup jurnalistə partiyanın mükafatlarını təqdim edib. Mükafatlandırılanlar arasında APA-nın əməkdaşı da olub.