Media

Ana səhifə

Media

Bakıda “Mədəniyyətlərarası dialoqun inkişafında medianın rolu” mövzusunda beynəlxalq seminar keçirilir - FOTO

Bakıda “Mədəniyyətlərarası dialoqun inkişafında medianın rolu” mövzusunda beynəlxalq seminar keçirilir - <font color=red>FOTO</font>

28 avqust 2012 08:19 (UTC +04:00)

Bakı. Kəmalə Quliyeva – APA. Bakıda TÜRKSOY, İSESCO və Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) təşkilatçılığı ilə “Mədəniyyətlərarası dialoqun inkişafında medianın rolu” mövzusunda beynəlxalq seminar keçirilir. APA-nın məlumatına görə, seminarda Azərbaycan, Qazaxıstan, Qırğızıstan, Özbəkistan, Türkmənistan, Tacikistan və Türkiyənin media nümayəndələri iştirak edir.

Seminarın açılışında çıxış edən TÜRKSOY-un Azərbaycan təmsilçisi Elçin Qafarlı bildirib ki, artıq 20 ildir fəaliyyət göstərən TÜRKSOY dünyada mədəniyyətlərarası dialoqun gücləndirilməsində fəal iştirak edir: “Ötən 20 il türkdilıli xalqların mədəni canlanması baxımından qızıl illərdir. Türk mədəniyyətinin yüksək yerə çatmasında TÜRKSOY-un da rolu var. Mədəniyyətlərarası dialoqun inkişaf etdirilməsində medianın rolu beynəlxalq təşkilatlar tərəfindən dəstəklənməlidir”.

Mədəniyyət və Turizm Nazirliyinin xarici əlaqələr şöbəsinin müdiri Vasif Eyvazzadə isə qeyd edib ki, mədəniyyətlərarası dialoq artıq qlobal bir prosesə çevrilib və Azərbaycan bu prosesin əsas tərəfdaşıdır. V. Eyvazzadə qeyd edib ki, ölkənin birinci xanımı Mehriban Əliyeva tərəfindən irəli sürülən təşəbbüslər mədəniyyətlərarası dialoqun inkişafında böyük əks-sədaya səbəb olub. Media mədəniyyətlərarası dialoqun inkişafına öz töhfəsini verməlidir, çünki bu işdə mediadan çox şey asılıdır.

KİVDF-nin icraçı direktoru Vüqar Səfərli isə bildirib ki, mədəniyyətlərarası dialoqun sağlam məcraya yönəlməsi çox aktualdır. Bu dialoq olmadan dünya fəlakətə sürüklənər: “Mədəniyyətlərarası dialoqun inkişafında medianın üzərinə böyük məsuliyyət düşür. Bu prosesin təbliğində jurnalist peşəkarlığından çox şey asılıdır”.

Çıxışlardan sonra “Qərbə doğru axan çay” filminin təqdimatı keçirilib. Qeyd edək ki, beynəlxalq seminar üç gün davam edəcək. Proqrama əsasən seminar iştirakçılarının Milli Televiziya və Radio Şurasında, Türkdilli ölkələrin Parlament Assambleyasında, Mədəniyyət və Turizm Nazirliyində və Mətbuat Şurasında görüşləri nəzərdə tutulub.

media – SEMİNAR