Media

Ana səhifə

Media

Mətbuat xidmətlərinin vahid əsasnaməsi prezidentin sərəncamı ilə təsdiqlənəcək

14 noyabr 2007 11:56 (UTC +04:00)

Mətbuat xidmətlərinin vahid əsasnaməsi prezidentin sərəncamı ilə təsdiqlənəcək. APA-nın məlumatına görə, bunu “İnformasiyaya çıxış, hökumətlə KİV arasında münasibətlər” adlı konfransdakı çıxışında Prezident Aparatı ictimai-siyasi şöbəsinin müdiri Əli Həsənov deyib. O bildirib ki, heç bir mərkəzi və yerli hakimiyyət orqanının rəhbəri ölkə prezidentinin sərəncamı ilə təsdiq olunmuş əsasnaməni pozmağa cəsarət etməz: “İndi mətbuat xidmətlərinin rəhbərləri öz nazirliklərinin qaydaları əsasında fəaliyyət göstərir, onların fəaliyyət çərçivəsini nazir müəyyən edir. Mətbuat xidmətlərinin vahid əsasnaməsinin qəbul olunması ideyası isə yenidir. Bu ideyanın əsasında o dayanır ki, mətbuat və ictimaiyyətlə əlaqələr üzrə idarələr, xidmətlər həm öz nazirliklərinin qaydalarını, həm də müasir dünyada mətbuat orqanları ilə işin spesifikasını, qaydalarını bilsin və ona əməl etsin”. Ə. Həsənovun sözlərinə görə, xüsusi sərəncamla Azərbaycanda bütün mərkəzi və yerli icra hakimiyyəti orqanlarının mətbuat xidmətlərinin əsasnaməsi təsdiqlənəcəksə, bu əsasnamə nazirliyin əsasnaməsinə bərabər bir sənəd olacaq və mətbuat xidmətləri, o cümlədən nazirin fəaliyyəti üçün hüquqi əsas sayılacaq. /APA/