Media

Ana səhifə

Media

Söz Azadlığını Müdafiəsi Komitəsinin təşəbbüsü ilə 10 dekabr - Beynəlxalq İnsan Haqları Gününə təyin olunmuş mitinqin dəyişdirilib

21 noyabr 2007 16:18 (UTC +04:00)

Söz Azadlığını Müdafiəsi Komitəsinin təşəbbüsü ilə 10 dekabr - Beynəlxalq İnsan Haqları Gününə təyin olunmuş mitinqin vaxtı dekabrın 9-na dəyişdirilib. Bu barədə APA-ya mitinq komitəsinin rəhbəri, “Azərbaycan Naminə” İctimai Forumun prezidenti Eldar Namazov məlumat verib. Onun sözlərinə görə, mitinqin dekabrın 10-na bazar ertəsinə təyin olunmasının səbəbi türk dövlətlərinin toplantısının 7-9 dekabrda keçirilməsinin nəzərdə tutulması ilə bağlı olub: “Çünki belə tədbirlər olanda kütləvi aksiyalara icazə verilmir. Həmin toplantının vaxtı dəyişdiyindən biz düşündük ki, aksiyanın bazar günü keçirilməsinə heç bir problem yaradılmayacaq”. Aksiyanın Ukrayna meydanında saat 14:00-dan 17:00-a kimi keçirilməsi nəzərdə tutulub. E. Namazovun sözlərinə görə, mitinqin ssenarisi “Dalğa” Gənclər Hərəkatı tərəfindən hazırlanacaq. Komitə sədri aksiyanın yalnız ictimai təşkilatlar tərəfindən təşkil edildiyini vurğulayıb. Onun sözlərinə görə, bu işdə siyasi partiyalar iştirak etmir: “Amma partiyalar mitinqdə iştirak üçün dəvət ediləcək”. Bakı Şəhər İcra Hakimiyyətinə göndəriləcək müraciət isə “Azərbaycan Naminə” İctimai Forum, “Turan” İnformasiya Agentliyi, İnsan Haqları üzrə Monitorinq Qrupu, Azərbaycan Ziyalı Hərəkatı və “Dalğa” Gənclər Hərəkatının adından imzalanacaq. /APA/