Media

Media

Azərbaycan Milli Teleradio Şurası kanallarla bağlı monitorinqləri davam etdirəcək

21 yanvar 2008 09:02 (UTC +04:00)

Milli Televiziya və Radio Şurası (MTRŞ) Azərbaycanda fəaliyyət göstərən telekanallarda mili-mənəvi dəyərlərə, efir mədəniyyətinə əməl olunması, reklamların yerləşdirilməsi ilə bağlı keçirdiyi monitorinqi davam etdirəcək. Bu barədə APA-ya MTRŞ sədri Nuşirəvan Məhərrəmli bildirib. MTRŞ sədrinin sözlərinə görə, monitorinqlərin keçirilməsinə fevraldan başlanacaq. N. Məhərrəmli deyib ki, ötən ildən başlayan monitorinqlərin əhatə dairəsində dəyişiklik edilib. MTRŞ sədri “Xəzər”, Az.TV, İTV ilə bağlı monitorinqlər başa çatandan sonra Şuranın bütün kanalların fəaliyyətinə baxış keçirəcəyini açıqlayıb: “Biz milli-mənəvi dəyərlərə əməl olunması, reklamların yerləşdirilməsi sahəsində vəziyyətin necə olduğunu öyrənməklə yanaşı, dublyajla bağlı vəziyyəti də aydınlaşdırmaq istəyirik. Ümumiyyətlə, monitorinq zamanı bütün sahələr əhatə olunacaq”.
Xatırladaq kİ, MTRŞ ötən il mili-mənəvi dəyərlərə, efir mədəniyyətinə əməl olunması, reklamların yerləşdirilməsi ilə bağlı keçirdiyi monitorinqlərin nəticəsinə uyğun olaraq ANS, ATV, “Space”, “Lider” kanallarına müvafiq xəbərdarlıqlar edib. /APA/