Media

Media

Mirzə Sakit yenidən aclığa başlayıb

04 fevral 2008 10:38 (UTC +04:00)

R. Zahidova deyib ki, Mirzə Sakit səhhətindəki problemlərlə bağlı Ədliyyə Nazirliyinin Müalicə Müəssisəsinə köçürülməməsinə etiraz əlaməti olaraq fevralın 3-dən aclıq edir: “Həbsxana rəhbərliyi ona Müalicə Müəssisəsinə köçürüləcəyi barədə söz versə də, sonradan buna əməl etməyiblər. Məndə olan məlumata görə, Sakitin vəziyyəti ağırdır, artıq ayaqları tutulub”.
Ədliyyə Nazirliyi Penitensiar Xidmətinin İctimaiyyətlə Əlaqələr Şöbəsindən APA-ya məlumatı təsdiqləyiblər. Məlumata görə, məhbus fevralın 3-dən aclığa başlaması barədə Cəzaçəkmə Müəssisəsinin rəisinə ərizə ilə müraciət edib. Şöbədən bildirilib ki, Ədliyyə Nazirliyinin Səhiyyə Baş İdarəsinin həkimləri M. Sakiti müayinə edib, onun Müalicə Müəssisəsinə köçürülməsini məsləhət görməyiblər: “Həkimlərin rəyinə görə, Mirzə Sakit həbsxananın sanitar tibbi hissəsində müalicə oluna bilər”.
Xatırladaq ki, M. Sakit yanvarın 26-da Müalicə Müəssisəsinə köçürülməsi tələbi ilə aclığa başlamışdı. Yanvarın 28-də isə onun Müalicə Müəssisəsinə köçürülməsinə razılıq veriləndən sonra aksiyanı dayandırması barədə məlumat yayılıb. /APA/