Aİ səfiri: Ötən il dünyada 100-dən çox jurnalist öldürülüb, bu, son 10 ildə ən böyük rəqəmdir

Aİ səfiri: Ötən il dünyada 100-dən çox jurnalist öldürülüb, bu, son 10 ildə ən böyük rəqəmdir
# 02 may 2024 14:36 (UTC +04:00)

“Azad media demokratiyanın əsas elementidir”.

APA xəbər verir ki, bu barədə Avropa İttifaqının Azərbaycandakı Nümayəndəliyinin rəhbəri, səfir Peter Mixalko 3 May - Dünya Mətbuat Azadlığı Günü münasibətilə jurnalistlərlə görüşü zamanı bildirib.

Diplomat media mənsublarının hüquqlarının qorunmasının, onların azad və sərbəst şəkildə fəaliyyətinin təmin edilməsinin zəruriliyini vurğulayıb: “Jurnalistlər riskli mühitlə üzləşirlər. Jurnalistlərin rolu, azad medianın rolu istənilən qlobal cəmiyyətdə əvəzolunmazdır. Ötən il dünyada 100-dən çox jurnalist öldürülüb, bu, son 10 ildə ən böyük rəqəmdir. Jurnalist peşəsi getdikcə ən təhlükəli peşələrdən birinə çevrilib. 300-dən çox jurnalist həbsdədir, onlar öz işlərini gördüyü üçün həbs olunub”.

Səfir qeyd edib ki, media azadlığı Aİ-nin müxtəlif ölkələrlə əməkdaşlığının əsasında dayanır: “Həm Azərbaycanla, həm də digər ölkələrlə tərəfdaşlığımızda qanunun aliliyi, demokratiyaya hörmət əsas elementlərdir. Biz tərəfdaşlarımızın da bu prinsiplərə hörmətlə yanaşmasını istəyirik”.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR