Bakı – APA. Qadın voleybol klubları arasında Çempionlar Liqasının qrup mərhələsinin növbəti oyunları keçirilib. Apasport.az saytının məlumatına görə, təmsilçimiz “Rabitə” V tur çərçivəsində İtaliyada “Villa Kortese” ilə qarşılaşıb.
Artıq pley-offa vəsiqəni təmin edən Azərbaycan çempionu bu matçda da qələbə seriyasını davam etdirməyi bacarıb.
Oyunun kifayət qədər gərgin keçəcəyi gözlənilsə də, “Rabitə” A gümüş mükafatçısına oynamağa imkan verməyib. Düzdür, evdə uduzmağı sevməyən italiyalılar həm də sabiq baş məşqçiləri, hazırda “Rabitə”ni çalışdıran Marçello Abbondanzanı vətənindən əliboş yola salmaq arzusunda idilər. Amma bir çoxlarına başağrısı olan və Çempionlar Liqasında qızıl medalı hədəfləyən Bakı klubu rəqibin istəyini puç edib.
İlk setdə 5 top fərqi ilə qalib gələn voleybolçularımız növbəti hissəni daha asan aktivinə yazıb – 25:13. Ardınca rəqib fərqi azaltsa da, “Rabitə” IV hissədə qarşılaşmanın yekun hesabını müəyyənləşdirib – 3:1.
Nəticədə V turda da xal itirməyən Azərbaycan çempionu qrupda özü üçün birinci yeri də təmin edib.
Çempionlar Liqası
V tur
B qrupu
5 dekabr
“Villa Kortese” (İtaliya) - “Rabitə” (Azərbaycan) - 1:3 (20:25, 13:25, 25:15, 20:25)
Hakimlər: Əziz Yener (Türkiyə), Susana Rodriguez (İspaniya)
Kastellantsa, Palaborsani
|
Rabitə |
5 |
5 |
0 |
15-3 |
439-366 |
15 |
|
Villa Kortese |
5 |
3 |
2 |
11-8 |
430-416 |
12 |
|
Atom |
5 |
2 |
3 |
8-9 |
388-386 |
6 |
|
Agel |
5 |
0 |
5 |
1-15 |
310-399 |
0 |
Qeyd edək ki, son turda “Rabitə” “Agel”i qəbul edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
