Bakı. Əli Əhmədov – APA-Economics. Azərbaycanda milli ödəniş sisteminin infrastrukturu vasitəsilə 2012-ci ilin yanvar-noyabr ayları ərzində aparılan ödənişlərin ümumi həcmi ötən ilin müvafiq dövrü ilə müqayisədə 16,8% artaraq 104,8 mlrd. manat təşkil edib. Bu barədə «APA-Economics»ə Azərbaycan Mərkəzi Bankından məlumat verilib.
Hesabat dövründə kütləvi ödənişlər sisteminin əhatəsi regionlara doğru genişləndirilib, POS-terminalların və ödəniş kartları vasitəsilə hesablaşmaların miqyasının daha da artırılması istiqamətində tədbirlər davam etdirilib. Nəticədə, 2012-ci ilin 11 ayında dövriyyədə olan ödəniş kartlarının sayı 9,7%, quraşdırılmış bankomatların sayı 5,1%, POS-terminalların sayı isə 3 dəfəyə yaxın artıb.
Qeyd edək kt, Azərbaycanda nağdsız dövriyyənin artırılması məqsədilə Mərkəzi Bank tərəfindən müvafiq qurumların nümayəndələrindən ibarət tərkibdə Milli Ödəniş Şurası yaradılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
