Bakı – APA. Azərbaycanın xarici işlər naziri Elmar Məmmədyarov Argentinanın ölkəmizə yeni təyin olunmuş müvəqqəti işlər vəkili Alberto Xose Alonsonu qəbul edib.
XİN mətbuat xidmətindən APA-ya verilən məlumata görə, görüşdə Azərbaycanla Argentina arasında münasibətlərin inkişafından razılıq ifadə edilib, müxtəlif sahələrdə əlaqələrin inkişafı üçün böyük potensialın olduğu vurğulanıb.
Nazir Elmar Məmmədyarov tərəflər arasında son dövrlər həyata keçirilən qarşılıqlı səfərlərin Azərbaycanla Argentina arasındakı əlaqələrə yüksək töhfə verdiyini qeyd edib.
Alberto Xose Alonso ölkəmizə təyin olunmasından məmnun olduğunu bildirib, ölkəsinin Azərbaycanla münasibətlərinin inkişafında maraqlı olduğunu və öz növbəsində iki ölkə arasında əməkdaşlığın inkişafı uçun səylə çalışacağını diqqətə çatdırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
