APA-nın “RİA Novosti”yə istinadən xəbərinə görə, iki gün davam edən forumda MDB və Pribaltka ölkələrindən 200-dən artıq KİV rəhbəri, siyasətçilər və media ekspertləri “Postsovet məkanındakı inteqrasiya prosesləri və yeni media” mövzusunda müzakirələr aparıblar.
Tədbirin sonunda “AAMF-in ən yaxşı media layihəsi - 2012” yaradıcılıq müsabiqəsinə yekun vurulub. Postsovet məkanından 7 çap, televiziya və internet layihəsinin təqdim olunduğu müsabiqənin qalibi “İzvestiya na Ukraine” qəzeti olub.
Qeyd edək ki, forumda APA İnformasiya Agentliyinin baş direktoru Nurşən Quliyev də iştirak edib.