Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədovun APA-ya verdiyi məlumata görə, yol polisi dekabrın 6-da Bakıda reydlər keçirib. Reydlər Zərifə Əliyeva parkının, “Azadlıq prospekti” Metrostansiyasının, Bakıxanov stansiyasının qarşısında keçirilib. Reydlərin keçirilməsində məqsəd “Yol hərəkəti haqqında” qanuna edilən əlavələrin avtobus sürücülərinə çatdırılması və avtobus sürücülərinin yol-hərəkət qaydalarına necə əməl etməsini öyrənməkdir.
Reyddə 3 avtobus sürücüsünün qanunla qadağa olunmuş yüksək tonlu səs siqnalından istifadə etməsi, 4 avtobus sürücüsünün texniki şəhadətnaməsiz, 2 şəxsin isə sürücülük vəsiqəsi olmadan nəqliyyat vasitəsini idarə etməsi aşkarlanıb. Bundan başqa, 6 avtobusun texniki baxışdan keçmədən idarə olunduğu müəyyən edilib.
Reydlər davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
