Bakı-APA. Bu gün axşam saatlarında Rusiyanın Soçi şəhəri yaxınlığında 4,8 bal gücündə zəlzələ qeydə alınıb. APA-nın “RİA Novosti”yə istinadən verdiyi xəbərə görə, yeraltı təkanların episentri Anapa şəhərindən 5,5 kilometr şərqdə, Krasnodar şəhərindən isə 125 kilometr aralıda qeydə alınıb.
Zəlzələ 3 baldan 4 baladək gücündə Anapa, Novorossiysk, Krasnodar, Krımsk və Gəlincik şəhərlərində hiss olunub.
Rusiya FHN-nin ilkin məlumatına görə, zəlzələ nəticəsində dağıntı və xəsarət alan yoxdur.
“Olimpstroy” Dövlət Korporasiyasından bildiriblər ki, zəlzələ nəticəsində Soçidəki olimpiya obyektləri heç-bir zərər çəkməyib.