Bakı. Viktoriya Dementyeva – APA. Gələn həftə Latviyanın baş naziri Valdis Dombrovskis Azərbaycana səfərə gələcək.
Latviya baş nazirinin mətbuat xidmətindən APA-ya bildirilib ki, noyabrın 27-30-da baş tutacaq səfər zamanı V.Dombrovskis Azərbaycanın prezidenti, baş naziri və müvafiq qurumların rəhbərləri ilə görüşlər keçirəcək, Azərbaycan-Latviya biznes-forumunun açılış mərasiminə qatılacaq.
Baş nazirin başçılıq etdiyi nümayəndə heyətinə 90 latviyalı sahibkar daxil olacaq: “Bu, son bir neçə ildə Latviyanın ən böyük biznes nümayəndə heyətidir ki, yerli sahibkarların Azərbaycana marağının göstəricisidir”.
Səfərin əsas məqsədi Azərbaycan və Latviya arasında iqtisadi əməkdaşlığın genişləndirilməsidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
